Sakevertroue was in Maart vanjaar hoër as ’n jaar gelede selfs nog voordat ’n ramptoestand en inperking afgekondig is, toon die jongste indeks van die Suid-Afrikaanse Kamer van Koophandel en Nywerheid (Sacci).
Die organisasie se indeks van sakevertroue vir Maart 2021 was vier punte hoër as Maart 2020 s’n en was 13,2 punte hoër as ses maande vantevore.
Die verbetering kan toegeskryf word aan gunstiger finansiële omstandighede as ’n jaar gelede, asook die toename in die verkope van nuwe voertuie.