Suid-Afrikaners meen hulle gaan selfs ná die Covid-19-pandemie byna die helfte so gereeld uiteet of vlieg as voor die pandemie. Hulle gaan ook ’n derde minder gimnasium toe.
Dis hoe verbruikers nou voel, volgens ’n peiling wat Deloitte elke maand sedert September onder Suid-Afrikaanse verbruikers doen. Sien ook grafika hieronder.
Die Deloitte State of the Consumer Tracker meet verbruikers se angsvlakke oor sowel hul geldsake as die Covid-19-pandemie.