Quviasuqatigijavut Arnait uvani STEM-mit

Febuary 11-nguliqpat Silaqjualimaamit Ullurijauniaqmat Arnanut ammalu niviaqsaanut Qaujisaqtulirinikkut asuilaak taqiriniaqtattinnit Quviasuqatiqaqniaratta arnaqnik uvuuna STEM! STEM taiguusiqaqtuq qaujisaqtulirinikq, uumaqutiliriniq, angijunik sunatuinnaliurunnaqniq ammalu naisautiliriniq. Qaujigiakannirunnaqtutit saqitausaaqsimajunik taakunangat SOI Akuqvingagut tusakanniqniaravit kikkutuinnanik arnauniraqsimajunik qanuiliuqnirisimajanginnik makuninga umajuralaalirisimajunik ammalu nunaliuqatigiiktunik qanuippallianirijanginnik, piruqtuviniqnik ammalu tariup imavigijanginnik. Takugiaqniaqpat apiqsurunnaqsilaurattigut Anousheh Ansari, amisunik nangminiqarunnaqniqmit ammalu CEO-ngujuq una XPRIZE saqititausimajuq sivuliuqataulluni pivalliajutigut sivulliqpaanguniqminut arnauluni aniqniqaqnangittumuaqatausimajuq qimiruqataulluni!

Roslyn Bern, Isumatarijaujuq tavvani Leacross Tungavinganit, iksivaaqatiqalauqmat pingasunik makkuktunik arnanik ilinniaqtut ammalu iqanaijaqtut tavvani STEM piliriaksanginnik. Taakua uqausiqaqmata aniguilauqniqmingnik, namungaujumangmangaaqmingmik ammalu ajurutigijauqattaqtut aqnanut aniguittialauqniqmingnik taakua piliriaksanginnik.

Tautugunnaqtait maana tusakanniqniaravit uumangat Michaela Hammond, aaniaqaqnangittuliriniqmut qaujisaqtuliriniq saqitittivallianiqmut ilinniaqtuq, Hannah Weider ilisaqpalliangmat qarasaujaliriniqmut qaujisaqtuliriniq ammalu Cassandra Elphinstone aniguisimangmat ilisaqtaminik Ukiuqtaqtuq piruqsianginnik qanuilinganirijanginnik. Uvani takunnarlugit.

Nunalingniikkuvit nunaliralaanguniqsaujunik imaqtaqviuqattaqtuq piujunniirsimanniqpat. Nunaliqjuarijaqnik, angirarijaujut ammalu iqanaijaqvigijaujut nangminiq imaqtaqviqaqmata. Piliriarigungni qaujisarutiqaqlutit tamatuminga nunaup imanganik, qaujijausimajuq piujunniirsimaninganit uqsualungmut tuquqtausimajut taakununga pingasut companies. Nanisijunnaqquuqpit kina pasajaksaungmangaat? Tamanna pijaritujuq piliriaksaq saqitaulauqtuq taakununga Ukiuqtaqtuq 2017 aniguisimajunut ammalu angijuqjuanik sanavaktunik ilinniaqtiujunut Hannah Groenwegen! Uukturunnaqtutit uvani!

Tusaqvigilauqlavut Sivulliqpaattiaq Arnaq Aniqniqaqnangittumit Qimiruqatausimajuq Anousheh Ansaril! Anousheh nagnminiqauqniqmut ammalu CEO taakunani XPRIZE saqititaulauqtuq sivvulliqpaangulluni tusagaksanguqtitausimajuq 2006 ilaulauqtillugu aqnaq ullunut-11 aniqniqaqnangittumit. Anousheh ilaunialiqtuq SOI-kunnut aniguisimajunut, piqutiqjuanik piliriniqmut, nangminiqaqniqmut, turaagarijaqallattaarunaqtuq ammalu aniqniqaqnangittumit pilirujumigittiaqtanga Zareen Cheema Katingallutik, uqausiqaqniaqtuq atuqsimajanginnik aqnaullutik tamakuinga, Anousheh's iqanaijaanga aqutigijanga ammalu ingiraniaqnirijanga aniqniqaqnangittumut ammalu uqaujjigiaqtiulluni makkuktunut aqnaqnut pilirijumaniqaqpata taakunani STEM. Taakua miksaanut tusagak-sakkaniit qaujigiarvigilugit

Isumalauqsimavit qanuq Nunaqaqqaaqsimajut qaujimajatuqangit katiqsuivallianiq uvuuna qaujisaqtuliriniq-tungaviqaqtuq tukisittiarasungnikkut? Enooyaq Sudlovenick ammalu Kathleen Matari marruuk inuuk arnaullutik pilirivalliangmatik saqippallialuni tavvuuna qaujisaqtulirinikkut nunaqjuamit!

Tusaakannirunnaqtutit tukisikanniqniaravit makuninga atuqtausimajunik ammalu pimmariuninginnik nunaqaqqaasimajut-sivuliuqtillugit tukisinasuttiaqniqmit.

Uvani takunnarlugit.

SOI Iqanaijaqtingita niruaqtangit: Ann Makosinski Quviagittiaqtanga saqittivallialuni atuqtaujuksanik!

Ann Makosinski, Canada C3 pisuktuviniq 9 aniguisimajunik arraagulik-22 atuqtaujuksanik saqitijumasuuq ammalu nunaqjualimaamit uqallaktiujunnaqtuq. Arraaguqaqtillugu 15 arnaq pijuminaqalilauqtuq piqannarijanga aksuruqattalauqmat taikani Philippines qaumaqutiqangittunik uvaluunniit qaumaqutiqangittuq ilinniarutiminut takujunnarani. Ann saqitililauqtuq iluliqangittumik qaummaqutimik - qaummaquti qaumajunnaqtumik aggakmut tigumiatuinnaqlugu. Saqitisimagivuq eDrink, ammalu saqitivallianiaqtuq piliriarivalliajanginnik. Qaujikannirunnaqtutit taasuminga Ann!

Ingiratittivallianiq: Mariana Hill-Cruz

Qimaivviusimagami angijumit nunalinganit pijittiraqniqmut ammalu qaujisaqniqmut tukisittiarasungniqmut qaujittiarami, Ukiuqtaqtuq 2008 aniguisimajuq, Mariana Hill Cruz quvvariarumalilauqtuq sivumuklugu pinasualiqlugulu nunaqjualimaalirijumit aktuqtaulauqtuq pilirijumaliqlluniuk qaujisaqtuliriniqmit tukisittiarasugluni ammalu qanuq katikannirumallunigit. Arnaq maana iqanaijaqtuq taikani nunaqjuaq-nanilimaaq sivumuaqllunigit ilinniaqvingmit imaqmiutaliriniq tukisinasuttiaqniqmit, GEPMAR Helmohltz Centre uumunga Imavingmit Tukisinasuttiaqniq Kiel, taima arnaq tukisinasuttiaqattaqtuq tamakkuninga Imaqmiutanik qanuq aktuqtauvangninginnik sunatuinnanut ammalu aulanirijanginnik uumajunik piusigiaqtittiniqmit. Taakua miksaanut tusagak-sakkaniit qaujigiarvigilugit.

Kisu Qakisimangmat!

Unikaattiaqtuqaqpat tusaqnittiarunnaqtuq ammalu sangijunnaqlluni ujjiqsuqnikkut, isumakkut ammalu nunaqjuaqlimaaqmiut. Kingulliqmit saqittinniaqtavut SOI Akuqvingagut unikaanik sangijualungnik. Ilauquvattigit tukisikanniqniaravit ajjigiingittunik unikkaaliuqtauvaktunik ikajuqniqaqtunik tukisijaunttiarunnaqtunik pijjutiqaqtuq tusaumajauttiaraiqaqtunik. Saqitinniaqtavut makua iliqusilirinikkut unikkaat, ajjirliurinikkut, ammalu katimajunik ilinniaqatigiiktunik saqitittittiaqataujunnaqniaravit nangminiq unikkaarijaqnik.

Qaujimavit?

Qaujimavit ukua STEM naigligiaqsimajuq tukisijaugajungmat aaqigiaqtaugajuktuq ilaqaliqtitaulluni A imaitunguqlluni STEAM! Taana A tukiqaliqlluni asumamullu agangmullu pilirijunaqniqmit. Taikani SOI quviasuqatigijavut kikkutuinnait tamakkuninga pilirivaktunik ammalu pilirijumigijanginnik. Qaujinagatta isumamullu agangmmullu ammalu sanakataqattaqniq isumaqaqluni atuutiqattiaqninganik quviasuutigilugu iliqusituqait, nutaanik saqitittiniqmit ammalu ilalugu iglugiilirunnaqmat pijaksarijanginnut STEM ilisarijausimanirijangat nunaqjualimaamit. Saqititausimajuq titiqatigut 9 tavvuuna Akuqvik uvagut titiralauqtugut tatallugu pijjutigillugit isumakkut agangmullu pilirijunnaqniq & Iliqusiliriniq. Qaujigiarunnaqtutit qarasaujakkut takujunnaqtutit, ilaqaqlluni Annie Petaulassie miqsuqtavininginnik katiqatigisimallutigut uvuuna.

Akuqvik ajungititausimajuq ikajuqtaullutik ukunangat katujjiqatigiingujunik.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

1740 Chemin Pink
Gatineau, QC | J9J 3N7 CA

This email was sent to .
To continue receiving our emails, add us to your address book.