Gaan saam:
Daar is vanjaar twee uitreikgeleenthede waaraan 75 uitreikers in totaal gaan deelneem.
- Leeu-Gamka-uitreik: 15 tot 20 Junie
- Calitzdorp-uitreik: 22 tot 27 Junie
Kontak die jeugkantoor by sunet@stellenberg.co.za vir inskrywings.
Ondersteun ons spanne:
- Doen asseblief voorbidding vir die uitreikspanne. Bid vir veilige reise, goeie gesondheid, baie energie en dat die onderskeie gemeenskappe ontvanklik vir die bediening van die Woord sal wees.
- Borg asseblief ’n kind wat op ’n uitreik wil gaan en nie self die inskrywingsgeld kan bekostig nie. Kontak die jeugkantoor by sunet@stellenberg.co.za.
-Ons het hawermoutpap en Weet-Bix nodig om ontbyt aan die kinders te voorsien, voor ons met die oggendprogramme begin. Bydraes kan by die kerkkantoor afgegee word.
- Donasies waarmee kos soos brood, grondboontjiebotter, ens. wat aan gemeenskappe voorsien sal word, aangekoop kan word. Elek-troniese betaling is welkom. Gebruik UITREIKE as verwysing.
- Bevrore sop vir die Calitzdorp-uitreik word benodig. Jy kan die sop in ’n 2 liter- roomysbak vries en wanneer dit bevrore is, uit die plastiekbak verwyder en dit dan in ’n plastieksak by die kerk afgee. Die sopresep is soos volg: 1 pakkie groentesopmengsel, vier liter water, twee gerasperde uie, ses gerasperde geelwortels, vier gerasperde aartappels, drie hoenderborsies, twee blokkies hoenderekstrak, sout en peper na smaak.
