navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Eredienste | Sondag 9 Maart 2025

NAGMAAL

Oggenddiens met Nagmaal om 09:00 in die kerk en aanlyn | Ds. Schoombie (2/3)

Familiediens met Nagmaal om 09:00 in die kleinsaal en aanlyn | Ds. Potgieter

Meditatiewe diens met Nagmaal om 09:00 in die kapel en aanlyn | Ds. Dietmann

Kleuterkerk om 09:00 in die kleuterkerklokaal

Aanddiens met Nagmaal om 18:00 in die kerk en aanlyn | Ds. Schoombie

Deuroffer: Stellenbergstudiefonds

Sondag 9 Maart is die eerte Sondag van die sewe-weke-Lydenstyd. Neem deel aan Lydenstyd deur by die volgende in te skakel:

GEBED
- Woon elke Sondag een van ons eredienste by.
- Skakel by die Midweek-ontmoetings met God in op Woensdagaande om 18:30 in die kerk.

VAS
Besluit om van iets te vas in die sewe-weke-periode om jouself op die wyse aan Jesus se lyding te herinner.

GEE
Fokus gedurende die Lydenstyd op vrygewigheid en bring gerus bydraes van niebederfbare produkte vir die kosprojek saam kerk toe.

ROOI KRUISE
Indien jy reeds ’n rooi kruis het, gee asseblief jou kruis ’n nuwe lagie verf en bring dit op jou voordeur of grensmuur aan. Daar is ’n beperkte hoeveelheid rooi kruise beskikbaar vir diegene wat nie ’n kruis het nie. Neem ’n foto van die kruis wat by jou huis en WhatsApp die foto na 081 045 2428.

Ondersteun asseblief vandag ons basaar. Daar is ’n groot verskeidenheid etes beskikbaar, die pretpark vir kinders beloof om baie pret te wees en die witolifantwinkel spog met ’n paar skatte van onskatbare waarde.

Indien jy nie die basaar kan bywoon nie, oorweeg asseblief om ’n donasie tot dié fondsinsamelingsprojek te maak. Bydraes kan elektronies oorbetaal word na: ABSA-tjekrekening 145 058 0011, takkode 632005, gemaak word, of gebruik die SnapScan QR-kode indien jy die SnapScan-toep gebruik.

Die krag van God se liefde – tydens Lydenstyd word ons opnuut daarvan bewus

Ons dink na oor verlede Sondag se preek met Johannes 8 as skrifgedeelte. Ds. Marius Breytenbach was die prediker.

In die daaglikse verloop van ons lewe raak ons dikwels in die reëlmatige gang van doen vasgevang. Ons beweeg deur al die verskillende handelinge, soms sonder om aan die dieper betekenis van ons dade en geloof te dink. Maar wat is daar 'n manier was om deur hierdie roetine te breek en iets werklik transformerends te ervaar? Wat as ons die eenvoud en krag van God se liefde in ons lewens weer kon ontdek? Lees meer . . .

’n Gebed | Ons gesels met die vroue om ons

Deur: Ds. Schalk van Wyk

Woorde uit die wêreld om ons:

Die Wëreldbiddag vir vroue word jaarliks op die eerste Vrydag van Maart in meer as 170 lande gevier. Vanjaar val die kollig op die vroue van die Cookeilande. Die eintlike biddag is op 7 Maart vanjaar, maar ons gemeente hou die biddag op 4 Maart, want die basaar val op 7 Maart. Lees meer . . .

Kafeteria 16 Maart

Op Sondag 16 Maart verkoop die Namibië-uitreikspan boereworsrolle en lekker basaarpoeding by die kafeteria. Onthou om ’n ekstra geldjie saam te bring om die fondsinsameling te ondersteun.

Helpers by die teetuin

Ons het dringend helpers nodig wat bereid sal wees om op Sondagoggende vir ongeveer een uur na die oggenddienste by die teetuin behulpsaam te wees. Helpers moet slegs tee skink, geen skottelgoed was nie. Kontak asb. vir Charlotte by 021 976 4519/ontvangs@stellenberg.co.za om hulp aan te bied.

Graad 4-tot-5-kamp

Graad 4’s en 5’s word uitgenooi na die dagkamp op Vrydag 14 Maart vanaf 17:00 tot 21:30 by Stellenberg se salekompleks.

Tema: Superspelers in God se span – jy en jou maats gaan ontdek hoe julle mekaar kan aanmoedig om op God te vertrou en goeie keuses te maak.

Koste: R120 per kind - vir pizzas.

KLIK HIER om aanlyn in te skryf. Inskrywings sluit op Woensdag 12 Maart.

Luister gerus na die gesprek wat ds. Johan Visser onlangs oor die radio aangebied het. In die gesprek deel hy meer inligting oor die In-Christus Leierskapskonferensie wat op 19 en 20 Maart by Stellenberg-gemeente aangebied word.

Koste: R500 per persoon.

Bespreek jou plek aanlyn deur op die SKAKEL te klik.

Klankmanne en rekenaaroperateurs benodig

Ons benodig dringend klankmanne en rekenaaroperateurs wat behulpsaam kan wees met die aanbieding van eredienste. Opleiding en vergoeding word voorsien. Kontak asb. vir Deon Maree by 082 869 0364 indien jy belangstel.

Inskrywingsvorm vir TIENERS.

Inskrywingsvorm vir LEIERS.

- Borg ’n tiener, of leen vir ons ’n tent asseblief. Kontak die jeugkantoor vir meer inligting by sunet@stellenberg.co.za.

M I D W E E K | ONTMOETINGS MET GOD

Skakel Woensdagaande vanaf 18:30 tot 19:30 by die Midweek-byeenkomste in die kerk in.

Aanbieder: Dr. Carel van Wyk

Koste: Gratis. ’n Donasie vir fotostate sal verwelkom word.

VatVyf-uitstappie

Uitstappie: Woensdag 19 Maart om 09:00

Ons besoek die pragtige Bosjesplaas naby Goudini. Ons gaan op die pragtige plaas kuier en ook iets eet of drink. Elkeen betaal vir hom-/haarself. REEDS VOL BESPREEK.

Breigroep

Die groep ontmoet weer op Maandag 7 April 2025 om 09:30 in die markplein. Die breigroep is afhanklik van wolskenkings om voort te gaan met hulle breiprojekte. Enige bydraes van bruikbare wol sal baie waardeer word en kan by die kerkkantoor afgegee word.

Dankie vir jou finansiële bydrae

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode indien jy die SnapScan-toep gebruik om ’n bydrae te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Deuroffer Sondag

Stellenbergstudiefonds

Met die Stellenbergstudiefonds word gemeentekinders wat voltyds teologie studeer, finansieel ondersteun. Daar was in die verlede soveel as ses gemeentekinders wat voltyds teologie studeer het. Tans is daar twee gemeentekinders wat voltyds teologie studeer en twee wat beoog om teologie te gaan studeer.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

In die omgewing . . .

- U3A-groep: Die U3A-groep bied interessante aktiwiteite vir afgetrede persone in die hele Tygerberg-distrik aan. Hulle byeenkomste gaan voortaan by Stellenberg-gemeente in die kleinsaal aangebied word en lidmate word uitgenooi om daarby in te skakel. Op Donderdag 13 Maart om 10:00 in Stellenberg se kleinsaal gaan dr. Mariska Lilly, ’n senior navorser aan die Applied Microbial and Health Biotechnology Institute (AMHBI) 'n navorsingsentiteit binne die Cape Peninsula University of Technology, kom gesels oor die benutting van die anti-inflammatoriese potensiaal van rooibos en heuningbos – vir van die ingewande tot die vel. Die invloed van rooibos op die gesondheid van die mikrobioom en die voorkoming van allergieë. Toegang: R20 vir nie-lede en R10 vir lede.

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Matskoonmaakdiens: Kontak Leon Ritter by 082 448 2438 vir ’n gratis kwotasie.

- Oppasser vir kinders: ‘n Tweedejaarstudent by Eduvos, Tygervallei-kampus, is op weeksaande en naweke beskikbaar om kinders op te pas. Sy het ’n passie en liefde vir kinders; is baie betroubaar, verantwoordelik en georganiseerd en het vorige ervaring as ’n au pair. Kontak: Carla Roux by 066 219 1279/carlaroux606@gmail.com.

- Vakature vir strafverpleegster by Chrismar Villas. Sluitingsdatum vir aansoeke is 19 Maart 2025. Kontak die verpleegdiensbestuurder met navrae by 021 910 1250.

- Dorpshuis te om te deel: Die huis is sentraal geleë, naby die kerk, het ’n motorhuis, patio en braaiplek. Professionele dames tussen 30- en 40-jarige ouderdom sal oorweeg word. Koste: R9 000 per maand, sluit twee slaapkamers in. Skakel asseblief vir Monique by 084 55 66 393.

- Deeltydse pos vir ’n boekhouer en administratiewe assistent: ’n Betroubare, noukeurige, onafhanklike kontrakteur om te help met take soos benodig. Die geskikte kandidaat moet rekeningkundige ervaring met kennis van Xero hê, moet onafhanklik en selfstandig kan werk, in besit wees van ’n skootrekenaar. Dit is ’n deeltydse pos met buigsame werksure. Stuur asseblief ’n CV en uurlikse tarief na nicole@nittygrittyams.co.za.

- Ontdek die sagte krag van Tai Chi: Voel jy styf, gespanne of het min energie? Ontdek die sagte krag van Tai Chi – 'n bewuste bewegingspraktyk wat balans herstel, buigsaamheid, krag en uithouvermoë verbeter en die gees kalmeer. AgeWell Tai Chi bied begeleide sessies aan wat ontwerp is vir alle fiksheidsvlakke en kan met die volgende help: vermindering van spanning, verbetering van postuur, asemhaling, sirkulasie en beweeglikheid. Geen ondervinding nodig nie – net gemaklike klere en 'n gewilligheid om stadig, bewustelik en met intensie te beweeg! Sessies op die perseel beskikbaar vir aftreeoorde en selfs vir konferensiegroepe. Belangstellendes kan my ateljee besoek by Mountain Viewrylaan 82, Stellenberg. Bespreek jou gratis proefsessie vandag by Douw by 067 854 2093 of besoek www.agewell.fitness.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.