email : Webview : Die jaarlikse AHi gala-aand en konferensie is om die draai en jy word genooi

Die AHi Wes Kaap se jaarlikse gala-aand en kongres gaan vanjaar op 5 en 6 September by die Riviera Hotel op Velddrif gehou word. Ons tema vir die jaar is ‘Weskus is lekker’. Bespreek jou kaartjies nou en geniet die gala-aand en prysuitdeling saam met ons op Donderdag, 5 September en wees deel van ons kongres op Vrydag, 6 September.

Op Donderdag, 5 September, word ons gala-aand by die Riviera Hotel gehou. Christo van der Rheede is ons gasspreker en lei die prysuitdeling waar ons die sakekamer van die jaar, opkomende sakekamer van die jaar, kleinsake-entrepreneur van die jaar en kleinsake-beginner-entrepreneur van die jaar gaan aanwys. Onthou om jou nominasies hier in te stuur en jou kaartjies hier te bespreek.

Ons jaarlikse kongres word op Vrydag, 6 September by die Riviera Hotel gehou. Ons gaan belangrike temas bespreek rondom die skep van ’n inklusiewe sakekamer, toerisme en landbou as ekonomiese katalisators asook familie-ondernemings. Besprekings sal gelei deur ons kenners, naamlik prof. Frederick Fourie, Cornie Swart, André Diederichs en Monika de Jager. Vir meer inligting oor ons gassprekers, klik hier. Bespreek jou kaartjie vroegtydig hier.

Ons gerespekteerde gassprekers vir die gala-aand en kongres is al jare in die bedryf en wil hul jare se ervaring met ons gemeenskap deel.

Christo van der Rheede is die adjunk- uitvoerende direkteur van Agri SA en gasspreker by ons gala-aand.

Prof. Frederick Fourie is professor in ekonomie aan die Universiteit van die Vrystaat en sal die kongres open.

Cornie Swart is die president van Agri Wes-Kaap en sal ons toespreek oor landbou as ekonomiese katalisator.

André Diederichs, stigter en hoof van FABASA (Family Business Association of South Africa), lei die bespreking oor familie-ondernemings.

Monika de Jager, bestuurder van Namaqua Weskus Toerisme, lei die bespreking oor toerisme as ekonomiese katalisator.

Vir meer inligting oor ons gassprekers en ons agenda vir die gala-aand en kongres, klik hier.

Ons jaarlikse gala-aand en kongres is die AHi se hoogtepunt van die jaar. Maak seker jy mis nie uit op hierdie twee dae nie en wees deel van die gesprek by ons jaarlikse kongres met ons kundige sprekers. Klik hier vir meer inligting

Manage your preferences | Opt out using TrueRemove®
Got this as a forward? Sign up to receive our future emails.
View this email online.

21 Pepperstreet, 3rd Floor
Cape Living building, Cape Town | 8001 ZA

This email was sent to .
To continue receiving our emails, add us to your address book.