Silaliriniq Asuilaak Tavva

Ikajuqtiugama taakununga SOI-kunnut, uvagut qaujimagatta qanuiqujinginnavit uminga nunaqjuaq ammalu taanna aktuqtaunirijanga sila asijjiqninganut. Suuqaimmali tusagaksaliarivaktattigut tamatumani taqirijattinni piliriariliqtavut pijjutigijatuarillutigut una silaliriniq asuilaak tavva. Uqalimaarit pikkugijaujunik makkuktut pinajuliqtut silaliriniq asuilaak tavva, uqaujjigiarniq ukununga pilirivallianiqmut asijjiqsiniq uqaujjigiarniq ukununga pilirivallianiqmut asijjiqsiniq ammalu isumagijaujuksanik ivvit pilirijumigijaqnik nipiliurinikkut ammalu aulajutigut ajjiliurinikkut qarisaujatigut podcast.

Tusagajukkatta immailijunik "nalalaurit makkuktunik, sivuniksarigattigut" uvaluunniit naalalaurit inutuqarijaqnut!" Taanna sulinirivanga ukua angajuklliujut ammalu makkungniqsaujut arraaguqtigiilluaqtut iqanaijaqatigiikkaangamik, sanginiqaqtumik saqittiqattaqtut. Una RSVP tukinga Ilauniaraluaqpit uvuuna qarisaujakkut katimaqataulutit tamakkuninga uqausiqaqniaqtilluta qanuq ajjigiinginninginnik arraaguqatigiilluaqtut katiqatigiigunnaqmata ilittiqatigiikpallialutik uuminga pinajuktillugit silaliriniq asijjiqpallianinganut ammalu asuilaak tavva.

Atiliuqataugit maana!

Asuilaak qiniqniruvit asijjiiqataujumalutit nunaligijaqnit, qaujimangillutillu qanuiliuriaqaqmangaaqpit, taana tavva ilingnut aturunnaqtait! Alianaigusuttiaqtugut saqitittijunnaratta taana #infiltrationManual, tukimuagutingit aaqitaulauqtuq ukunangat @youthclimatelab (makkuktutsilamitqaujisaqvinganit) &@ClimateLC ikajuutiksangit makkuktunut silaliriniq asuilaak tavva nunalingniiliqtuq. Taana atuagaliangusimajuq tukisiumanaqsisimattiaqmat nunaliit niruaqtauvaktut gavamagijanginnut aaqiksimanirijangit ammalu aturunnaqtassinnik pilirijjutinik saqittijunnaqniq tamakkuninga maligalianguvaktunik takujumaniaqtatit.

Uqalimaarit maana!

Upigittiaqmagu taasuma 2019 Sikumit Ilinniaqataulauqtuq Umiaqjuakut Qaujisaqtuliriniq, Kina? malingmat ingiravalliatillugu Ukpijuaq, Ukpik, qinirasuaqtillugu angirariniaqtaminik, taimali angirarilauqtaraluanga angirarijunnaililauqmagu pijjutiqaqlluni aktuqtaunikumut sila asijjiqninganut. Taana uqalimaaruminattiaqmat ammalu tusaruminattiaqtunik Ukiuqtaqtuq tautunguaqnaqlluni unikkaaliangusimattiaqtuq ilisaijinut ammalu angajuqaanut uqalimaaqatigiqattarunnaqtangit surusiuniqsaujunut ammalu uqallaqatigiqattarunaqniaqmagit tamatuminga sila asijjiqninganit ammalu avatiliriniqmit pisimatsijiuqattarunnaqniaqmata.

Taana qimiruagaq saqinniaqtuq pinasuarusinganit sivulliq Airilik, qaujigiarunnaqtutit www.sophieweider.com/who tukisigiakannirumaguvit ammalu tusaqtitaujumaguvit qimiruagaq saqippat niuviqtaujunnaqsikpat!

Ukua tavva 6 Silaliriniq podcast nipiliuqsimajut ajjiliugallu aulajutigut qarasaujatigut Naalagunnaqtutit maana!

Piviksaqaruvit 10, 20 uvaluunniit ikaraluktaaq naalagunnaqtutit unikkaanik ukunangat atuqsimajanginnik silalirniq atusimalariktanginnik ammalu qanuq akajurasungninginnik asijjiqsiqujillutik. Uuktulauqpit nipiliuqsimajut ajjiliugallu qarasaujatigut? 82% Instagram ajjiliugatigut aulajuliuqsimajullu qungiaqattaqtut uqalauqtut maanasaangulauqtuq nalunaiqsillutik naalaqataqniqmingnik nipiliuqsimajut ajjiliugatlu aulajutigut qarasaujatigut podcast.

Qaujigiarunnaqtutit ukuninga qungiaqtauqujausimajunik!

SOI Iqanaijaqtingita niruaqtangit: Avatittiavangmut Isumaalungnangittumut Iglutaq

August-ngutillugu 2017, Stephanie Auon (Ukiuqtaqtuq 2019 aniguisimajuq) pigiaqtitilauqmat Taana Piruivallianiq Makippalliattiaqniq, nunalingnit katujjiqatigiingujut pinasuallunijjuk una piruqpalliattiaqniqmut ammalu paqnaksimattiarunnaqniqmit. Taana makippalliattiarumaniqmut pigialilauqtuq piliriarijaujumalluni pijjutigillugu miklligiaqtittijumallutik igitautuinnaqattaqtunik, taimali katittilaiqtuviniit ulluq-pianigvinganit tamuajaksanik taikkunangat aqirrujualiuqvingnit ammalu akiqangillugit tunisiqattalilauqtut nunalinginnit qimaaviujunut. Taimali August 2020, pinasualilauqtillugit akiqangittunik tunisisimaliqtut 10,000-ngulluaqtunik nirijaujuksanik. Aniguisimaliqmata arraagunik pingasunik, tunijausimalirivut $31,500 gavamatuqakunnit ikajuutiksanginnik nunalingnut-atuqtaujuksanik paqnaksimattiarunnaqniqmit piliriangujuq. Taakua miksaanut tusagak-sakkaniit qaujigiarvigilugit.

Ingiratittivallianiq:

Avatittiavangmut Isumaalungnangittumut Iglutaq

Leah Davidson, Nunaqjuaq Ataanut Ukiuqtaqtungat 2011-mit aniguiqatausimajuq ammalu 2020-mit Silaliriniq Asuilaak Tavva ikajuqataulilauqtut Ilagijauliqlluni asuilaak tukisililauqtuq ilinniarutiksanik sila asijjiqninganut quvianarunnaqtunik surusinut taasumuuna Avatittiavangmut Isumaalungnagittumut Iglutaq. Leah pijumaniqalauqmat saqittiluni qarasaujatigut qanuiliurumajaminik ikajuutiqarunnaqtumik tautuktaujunnaqluni qarasaujatigut tamatuminga qimirujaujunnaqluni ilinniaqvingut aktuqtausimajunik taasumungaaluk nuvangnaqjuamit. Aqnaq tunijaujunnaqsilauqtuq kiinaujanik ukunangat Passion to Purpose (Ikajuqtiujut Makkuktunik) ammalu taana Jane Goodall Katujjiqatigiingujut qaujisaqtuliriniq, ilinniaqniilu kikkulimaanut pinasuaqniqminut. Taakua miksaanut tusagak-sakkaniit qaujigiarvigilugit.

Kisu Qakisimangmat!

Kingulliqmit titiraqtaujunik saqitittiniaqtugut Akuqvikkut uqausirilualangajavut sanginiqaqninganit atuqsimajanginnik ilittivallianiqmit. Tusaqvigilaukkit aniguisimajut ilaulauqtut tilijausimallutik nanituinnattiaq nunaqjualimaamit, uqalimaakannirunnaqtutit tukisijausimajunik ilinniaqpallialutik pilirilauqtamingnik SOI-kut umiaqjuakkut qaujisaqniq, tautugunnaqtutit qanuq taakua atulauqtamingnit aktuijaulauqninginnik makkuktut, ammalu asikanninginnik!

Qaujimavit?

Aniguisimajusigut, qaujimavisi saqitinialiratta marruilingajunik mikittumik-angijuungittumik kinaujat utiqtittariaqangitatit kinaujanik Airilik 20-mit?

Ilagijauguvit SOI-kunnit, nanituinnattiaq nunaqjualimaamit, isumaqaqlutillu silaliriniq-turaagaqaqlutit piliriarijunnaqtaqnit, ikajurumavattigit!

Uvungaqlutit MySOI tukisikanniqniaravit.

Akuqvik ajungititausimajuq ikajuqtaullutik ukunangat katujjiqatigiingujunik.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

1740 Chemin Pink
Gatineau, QC | J9J 3N7 CA

This email was sent to .
To continue receiving our emails, add us to your address book.