navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Eredienste Sondag 3 Augustus 2025

Nie ’n slagoffer nie, maar ’n kind van God | 2 Korintiërs 4:7-11

Oggenddiens om 09:00 in die kerk en aanlyn | Ds. Breytenbach (2)

Familiediens om 09:00 in die kleinsaal en aanlyn | Ds. Potgieter

Meditatiewe diens om 09:00 in die kapel en aanlyn | Ds. Dietmann

Kinderkerk om 09:00 in die grootsaal (Kleuterkerklokaal)

Aanddiens om 18:00 in die kerk en aanlyn | Ds. Schoombie

Deuroffer: Stellenbergkosprojek. Die projek voorsien maandeliks kos aan gesinne en individue wat voedselnood beleef.

Augustus is barmhartigheidsmaand

Deur: Ds. René Potgieter

Ons hande is vir ons elkeen baie waardevol en kosbaar. Ons gebruik ons hande daagliks en sonder om daaraan te dink, doen ons so baie met ons hande. Sonder hande sal ’n mens moeilik deur die lewe gaan. Stel jou voor – hoe sal jy sonder hande klaarkom? Dink ook daaroor na dat ’n mens jou hande reg of verkeerd, positief of negatief, kan gebruik. Lees meer . . .

Doop Sondag 3 Augustus

Die volgende babas word by die familiediens gedoop:

- Christopher en Talisa Henning laat doop vir Julian Etienne Henning.

- Louis en Lauren Jordaan laat doop vir Jan Gideon Jordaan.

Gemeentebraai |

Vrydag 1 Augustus

Sluit op Vrydagaand 1 Augustus om 18:30 by ons gesellige Vrydagaandbraai aan. Bring jou eie drinkgoed, vleis, slaai, eetgerei, glas en bord. Ons voorsien die kole en lekker geselskap.

Blokdiens | Ds. Johan Visser

10 Augustus om 09:00 in die grootsaal. Ds. Johan Visser nooi almal wat in sy wyke woon na ’n spesiale blokdiens. Die diens is kort sodat daar genoeg tyd is om na die diens saam tee te drink.

Boekbekendstelling

Ek is wat ek is – 'n Kunsjoernaal, geskryf deur ds. Marius en Pauline Schoombie en geïllustreer deur Kayla Swart.

Sluit op Vrydag 8 Augustus om 18:30 in die markplein by ons aan vir die bekendstelling van die boek. Bring jou eie drinkgoed saam en kom luister na ’n gesprek oor die boek – 'n kunservaring n.a.v. die boek – ook na goeie musiek en geniet ’n lekker kuier. Almal is welkom. Jy kan net opdaag.

Date Night: Huwelikskursus

Met die Date night-kursus skep ons ’n ruimte waar paartjies tydens 'n romantiese-ete in ’n privaat atmosfeer, oor hul verhouding kan gesels. Gespreksmateriaal van die Alpha-huwelikskursus word gebruik en gesprekke vind slegs tussen die paartjies plaas – daar is dus geen besprekings in groepverband nie. Die fokus is op elke paartjie se unieke verhouding en derhalwe is gesprekke privaat.

Skryf in by Charlotte by ontvangs@stellenberg.co.za, 081 045 2428 (whatsapp) of 021 976 4519.

Daar is sewe geleenthede, elke Dinsdagaand 18:30-20:30 vanaf 12 Augustus tot 30 September. Elke week word 'n ander tema bespreek.

Die inhoud van die kursus is gratis, ons vra slegs 'n inskrywingsfooi om die kostes van die etes te dek. Kostes beloop R180 per paar per sessie. Dit is vooruitbetaalbaar, of kan per sessie betaal word. Ons moedig julle aan om al die sessies by te woon, maar indien jy nie 'n sessie kan bywoon nie en vroegtydig kanselleer, hoef jy nie die koste van die sessie te betaal nie.

Daar is ook 'n oppasdiens vir voorskoolse en laerskoolkinders beskikbaar. Pak asseblief vir jou kinders 'n kosblik om saam te bring of laat hulle tuis eet. Ervaring uit die verlede het ons geleer dat die kinders die kos verkies wat hul ouers vir hul gee, eerder as wat ons voorsien.

Kom vind mekaar weer. Kom kuier saam. Kom skep ’n nuwe, gesonde ritme in jul verhouding.
Vir enige navrae kontak: ontvangs@stellenberg.co.za

Damesoggend | 9 Aug

Ons nooi alle vroue (jonk en oud) uit na ’n besondere damesoggend op Saterdag 9 Augustus om 09:30 in die kleinsaal. Amanda Swanepoel is die spreker en Hennie Swanepoel gaan ons met musiek vermaak. Lekker saameet is natuurlik deel van die program en ’n klomp geskenke sal ook uitgedeel word om almal verder te bederf.

Koste: R100 per persoon. Besprekings by Charlotte, ontvangs@stellenberg.co.za/021 976 4519.

Dis weer tyd vir ’n heerlike Kontreikuier

Sluit op Vrydag 29 Augustus om 16:00 by ons aan vir die jaarlikse Kontreikuier saam met Sutherland-gemeente. Kom geniet heerlike tuisgemaakte kontreiprodukte asook klaar voorbereide kos soos roosterkoek, pannekoek, poeding, braaiborde en worsbroodjies mis nie. Rou vleis sal ook te koop wees.

Om Sutherland-gemeente met die fondsinsameling te ondersteun benodig ons asseblief die volgende bydraes:

- Gebakte en koue poedings asook vla. Kontak Susan 072 942 1530 indien jy hiermee kan help.

- Helpers om kasregisters te beman. Kontakpersoon: Christine Fereira by 083 440 2086.

- Helpers wat vanaf 13:00 kan help pannekoek bak, en ook bereid is om te help met die rol van pannekoeke. Kontak Christine Fereira by 083 440 2086 indien jy kan help.

- Skenkings van meel, suiker en olie sal ook waardeer word. Bydraes kan by die kerkkantoor afgegee word.

Ondersteun Sutherland-gemeente se fondsinsamelingsprojek met vele pryse te wen. Klik op die skakel

Die omgeetrust se wynveiling is beslis een van die jaarlikse hoogtepunte op ons gemeentekalender. Gebruik die geleentheid om saam met vriende te kuier, lekker wyn te geniet en boonop die geleentheid te kry om die goeie werk wat die omgeetrust in minderbevoorregte gemeenskappe doen, te ondersteun.

Fairview-landgoed sal die aand meze-styl-disse saam met verskillende wyn bedien. Charles Back van Fairview sal ons aan hulle heerlike wyne bekendstel.

Skenkings van produkte wat tydens die veiling opgeveil kan word, sal baie waardeer word. Kontak asseblief vir Karin by feesmark@stellenberg.co.za in die verband.

Bespreek jou plek, of ’n tafel vir jou en jou vriende by ontvangs@stellenberg.co.za/021 976 4519. Koste: R300 per persoon.

Baie dankie . . .

Daar is elke jaar ’n klomp mense wat dit vir die uitreikspanne moontlik maak om Leeu-Gamka en Calitzdorp te besoek. Ons wil gaag die volgende mense in besonder bedank:

- Prominent Paints wat verf geskenk het. Hulle skenking het dit vir ons moontlik gemaak om die koshuiskamers waar die spanne elke jaar woon, uit te verf.

- Mans Vervoer wat ons gehelp het met die vervoer van voorrade.

- Die breigroep. Dankie aan die breigroep vir elke mussie en serp wat met groot liefde gebrei is, aan elkeen wat saamgekom het en elkeen wat die uitreike op ’n ander manier ondersteun het!

Ons nooi besigheidseienaars, of plaaslike diensverskaffers om hul besighede tydens die feesmark op ons feesmarkperseel te adverteer. A1-borde met jou besigheid se besonderhede en logo sal op die mark se omheining geplaas word en duidelik sigbaar wees vir alle markbesoekers asook straatverkeer. Stuur ’n e-pos aan feesmarkadmin@stellenberg.co.za met verdere navrae of besprekings.

VatVyf-byeenkomste

Uitstappie op Woensdag 20 Augustus 2025

Lippizaner-vertoning (perdevertoning) in die Paarl. Bussies vertrek 09:30. Koste R75 per persoon. Ons geniet iets te ete na die vertoning by The Kitchen. Elkeen betaal vir hom/haarself.

Bespreek en betaal by Charlotte 021 976 4519.

Aanlyn Bybelskool

Die Bybel vandag | Sessie 9: Deel 2

Kyk gerus na die nuwe sessie in die aanlyn Bybelskoolreeks op die gemeente se YouTube-kanaal of die webwerf.

Gebedsversoeke

Gee gebedsversoeke deur aan ds. René Potgieter by rene@stellenberg.co.za of stuur ’n WhatsApp-boodskap na 079 893 8104.

Doen asseblief voorbidding vir die volgende lidmate wat siek is, of operasies ondergaan:

- Abrie Visagie

- Herman Engelbrecht

- Esther Barnard

- Petrus Smidt

- Maryke Brand

- Estelle Karstens

Breigroep

Die groep ontmoet weer op Maandag 4 Augustus 2025 om 09:30 in die markplein.

Dankie vir jou finansiële bydrae

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode indien jy die SnapScan-toep gebruik om ’n bydrae te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

In ons omgewing . . .

Jan Kriel Instituut se jaarlikse Tekkie Challenge is om die draai! Hierdie fondsinsamelingsgeleentheid vind Saterdag 6 September 2025 by Jan Krielskool in Kuilsrivier plaas ten bate van leerders met leerhindernisse. Skryf in vir die familie-vriendelike 5 km pretdraf/-stap of een van die langer afstande. Besonderhede aanlyn by www.tekkiechallenge.co.za.

Ruyterwacht Senior Sentrum beoog om ’n damestee op Saterdag 2 Aug. aan te bied. Kaartjies beloop R130, wat eetgoed asook ’n gasspreker en vermaak insluit. Die sentrum benodig gasvrouens wat kaartjies kan verkoop en eetgoed vir haar tafel kan voorsien. Kontak asseblief vir: Rene Coetzee by rwssoffice@gmail.com/083 810 1240.

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Matskoonmaakdiens: Kontak Leon Ritter by 082 448 2438 vir ’n gratis kwotasie.

Oorweeg u om u huis te verkoop? Milieu-eiendomme is al die afgelope 38 jaar werksaam in die gemeente se onmiddellike omgewing. Ons benodig voorraad vir kopers wat graag in ons area wil koop. Die agentskap doen ’n in-diepte vergelykende markanalise van die markprys van u eiendom en verseker u te alle tye van die beste diens met baie ondervinding. Skakel JP vd Poel 082 878 5582 vir ’n gratis kwotasie, markanalise van u eiendom – dit is aan geen verpligting onderhewig nie. U tevredenheid is ons prioriteit.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.