navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Eredienste | Sondag 2 Maart 2025

Oggenddiens om 09:00 in die kerk en aanlyn | Ds. Breytenbach (1)

Familiediens om 09:00 in die kleinsaal en aanlyn | Ds. Visser

Meditatiewe diens om 09:00 in die kapel en aanlyn | Ds. Dietmann

Kleuterkerk om 09:00 in die kleuterkerklokaal

Aanddiens om 18:00 in die kerk en aanlyn | Ds. Schoombie

Deuroffer: MES Bellville

Aswoensdag en Lydenstyd: ’n Rooi kruis vir Paasfees

Deur: Ds. Johan Visser

Leraars word gereeld deur lede van die buurtwag of sekuriteitsmaatskappye gevra waarom daar so baie rooi kruise by huise in die omliggende woonbuurte is? Die vraag bied dan aan ons die geleentheid om die mooi getuienis te lewer rakende die oorsprong en dié dieper betekenis van die gemeenteprojek. Elke huis het sy kruis . . . vir ons verteenwoordig dit nie net ’n spreekwoordelike term nie, maar vir elke lidmaat van Stellenberg-gemeente is die simbool van die kruis ’n belydenis van ons geloof dat Christus, ons Verlosser, leef! Lees meer . . .

Vind vreugde in die storm: die ontdekking van ware geluk

Ons dink na oor verlede Sondag se preek met Matteus 5:1-12 as Skrifgedeelte. Ds. René Potgieter was die prediker.

In 'n wêreld waar geluk dikwels aan gunstige omstandighede gekoppel word, word ons uitgedaag om 'n dieper, meer blywende vorm van vreugde te oorweeg. Waar geluk nie gaan oor die wag vir die storm om verby te gaan nie, maar om liewer te leer om in die reën te dans? Lees meer . . .

’n Gebed vir die natuur

Deur: Ds. Schalk van Wyk

Op 3 Maart vanjaar is dit internasionale Natuurbewaringsdag. Vanjaar is die fokus veral op die befondsing van die WWF (Wêreldnatuurfonds).

Die wonderbare mens, Albert Schweitzer (mediese dokter, dominee, orrelis, en bowenal filosoof) het in sy boek, Kultur und Ethik. Kulturphilosophie, zweiter Teil, sy diepste lewensfilosofie as gelowige neergeskryf (ek vertaal vry uit Duits):

“Ek is lewe wat wil lewe te midde van lewe wat wil lewe." Lees meer . . .

Doop vandag

- Japie en Elaine de Wet laat doop vir Ruben de Wet.

- Heinrich en Melissa Kilian laat doop vir Claire Kilian.

- Wardo en Marnel Kriel, laat doop vir Nova Kriel.

- Johann en Natasha Jansen van Vuuren laat doop vir Béa Jansen van Vuuren.

Helpers by die teetuin

Ons het dringend helpers nodig wat bereid sal wees om op Sondagoggende vir ongeveer een uur na die oggenddienste by die teetuin behulpsaam te wees. Helpers moet slegs tee skink, geen skottelgoed was nie. Kontak asb. vir Charlotte by 021 976 4519/ontvangs@stellenberg.co.za om hulp aan te bied.

Werkswinkel vir ouers

Die familiebestuurspan nooi ouers na ’n aanbieding oor parental burn out. Wat is die eerste tekens hiervan en hoe hanteer ’n mens dit?

Aanbieder: Rudolph van Schoor, traumaspesialis verbonde aan die Stellenberg Terapiesentrum.

Datum en tyd: Daar is twee aanbiedinge op Sondag 9 Maart om 10:00 of 18:00. Die oggendsessie net na die familiediens om 10:00 is in die kafeteria-area en die aandbyeenkoms om 18:00 is ook in die kafeteria-area. Skakel gerus by een van die byeenkomste in wat jou program die beste pas.

VARS LAM TEEN KOMPETERENDE PRYSE:
Heel ribbes | Skenkels | Kookvleis vir bredies of potjiekos | Heel blad | Tjops.

PRETPARK MET BAIE SPELETJIES VIR DIE JONGSPAN:
Koop kaartjies teen R100 per kind, of R80 vir twee kinders en speel soveel speletjies en vir solank as wat jy wil. Die volgende speletjies is beskikbaar: Nerf gun | Boogskiet | Put put | Ringbord | Swaai-en-vang | Opskiet–en-vang | Basketbal uitdaging, ens.

SPEELAREA VIR KINDERS ONDER VIER JAAR OUD: Gratis

TEETUIN EN GEBAK:

By die teetuin kan jy ’n lekker stukkie koek geniet, of gebak koop om huis toe te neem.

WITOLIFANTWINKEL:

Moenie al die winskopies by die interessante winkel misloop nie.

Wêreldbiddag vir vroue

Byeenkoms op Dinsdag 4 Maart om 18:30 in die kapel.
Psalm 139:14 | Ek is volmaak geskape
Dit is die boodskap wat ons van die vroue van die Cook-eilande ontvang het. Sluit by ons aan en bid saam met vroue regoor die wêreld.

Graad 4-tot-5-kamp

Graad 4’s en 5’s word uitgenooi na die dagkamp op Vrydag 14 Maart vanaf 17:00 tot 21:30 by Stellenberg se salekompleks.

Tema: Superspelers in God se span – jy en jou maats gaan ontdek hoe julle mekaar kan aanmoedig om op God te vertrou en goeie keuses te maak.

Koste: R120 per kind - vir pizzas.

KLIK HIER om aanlyn in te skryf. Inskrywings sluit op Woensdag 12 Maart.

Halftyd: ’n Nuwe groep vir manne

Die halftydgroep vir manne tussen die ouderdom van 40 en 50 jaar oud het verlede week bymekaargekom. Indien jy voel dat die tweede helfte van jou lewe ’n nuwe betekenis en doel nodig het, dan nooi ds. Johan Visser en Conrad Koorts jou om deel te word van hierdie groep wat gebaseer is op die insiggewende boek: Half Time – Moving from success to significance, deur Bob Buford. Nuwe lede is steeds baie welkom in te skakel.

Lees meer . . .

Luister gerus na die gesprek wat ds. Johan Visser onlangs oor die radio aangebied het. In die gesprek deel hy meer inligting oor die In-Christus Leierskapskonferensie wat op 19 en 20 Maart by Stellenberg-gemeente aangebied word.

Koste: R500 per persoon.

Bespreek jou plek aanlyn deur op die SKAKEL te klik.

Klankmanne en rekenaaroperateurs benodig

Ons benodig dringend klankmanne en rekenaaroperateurs wat behulpsaam kan wees met die aanbieding van eredienste. Opleiding en vergoeding word voorsien. Kontak asb. vir Deon Maree by 082 869 0364 indien jy belangstel.

Inskrywingsvorm vir TIENERS.

Inskrywingsvorm vir LEIERS.

- Borg ’n tiener, of leen vir ons ’n tent asseblief. Kontak die jeugkantoor vir meer inligting by sunet@stellenberg.co.za.

M I D W E E K | ONTMOETINGS MET GOD

Skakel Woensdagaande vanaf 18:30 tot 19:30 by die Midweek-byeenkomste in die kerk in.

Aanbieder: Dr. Carel van Wyk

Koste: Gratis. ’n Donasie vir fotostate sal verwelkom word.

VatVyf-uitstappie

Uitstappie: Woensdag 19 Maart om 09:00

Ons besoek die pragtige Bosjesplaas naby Goudini. Ons gaan op die pragtige plaas kuier en ook iets eet of drink. Elkeen betaal vir hom-/haarself. REEDS VOL BESPREEK.

Breigroep

Die groep ontmoet weer op Maandag 3 Maart 2025 om 09:30 in die markplein. Die breigroep is afhanklik van wolskenkings om voort te gaan met hulle breiprojekte. Enige bydraes van bruikbare wol sal baie waardeer word en kan by die kerkkantoor afgegee word.

Dankie vir jou finansiële bydrae

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode indien jy die SnapScan-toep gebruik om ’n bydrae te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Matskoonmaakdiens: Kontak Leon Ritter by 082 448 2438 vir ’n gratis kwotasie.

- Betroubare tuinman beskikbaar: Hy werk tans op Saterdae, maar benodig werk deur die week. Vir verwysing kontak Irmgard Visser by 076 459 9658.

- Oppasser vir kinders: ‘n Tweedejaarstudent by Eduvos, Tygervallei-kampus, is op weeksaande en naweke beskikbaar om kinders op te pas. Sy het ’n passie en liefde vir kinders; is baie betroubaar, verantwoordelik en georganiseerd en het vorige ervaring as ’n au pair. Kontak: Carla Roux by 066 219 1279/carlaroux606@gmail.com.

- Huishulp beskikbaar: ’n Betroubare en hardwerkende huishulp wat die afgelope vier jaar by ’n gesin gewerk het, soek tans ander werk aangesien die gesin se omstandighede verander het. Vir verdere inligting, kontak Lize-Marie Visagie by 084 711 8079.

- Tuinwoonstel om te huur: Mimi Botha is op soek na ’n eenpersoonwoonstel om te huur. Sy benodig ’n aparte ingang, is bereid om tussen R6 000 en R6 500 per maand huurgeld te betaal en onderneem om die eenheid baie goed op te pas. Sy is ’n nie-roker en gebruik ook nie alkohol nie. Kontak haar by 082 864 5213.

- Deeltydse posisie vir ’n boekhouer en administratiewe assistent: ’n Betroubare, noukeurige, onafhanklike kontrakteur om te help met take soos benodig. Die geskikte kandidaat moet rekeningkundige ervaring met kennis van Xero hê, moet onafhanklik en selfstandig kan werk, in besit wees van ’n skootrekenaar. Dit is ’n deeltydse pos met buigsame werksure. Stuur asseblief ’n CV en uurlikse tarief na nicole@nittygrittyams.co.za.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.