navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Eredienste Sondag 1 Februarie 2026

1 Korintiërs 1:18-31 | Sinsoekers

Oggenddiens 09:00 in die kerk en aanlyn (doop) | Ds. Visser (3)

Familiediens 09:00 in die kleinsaal en aanlyn | Ds. Breytenbach

Meditatiewe diens 09:00 in die kapel en aanlyn | Ds. Potgieter

Blokdiens vir ouers en kleuters | Brenda Visser

Kleuterkerk 09:00 in die kleuterkerklokaal

Aanddiens 18:00 in die kerk en aanlyn | Ds. Potgieter

Deuroffer: MES

Dié organisasie lewer dienste aan hawelose mense in die noordelike voorstede.

Jippie! Die kafeteria is weer oop

Baie dankie aan die lidmate wat bereid is om een keer per maand by die kafeteria te help. Danksy julle kan die kafeteriaverkope weer hervat met heerlike lekkernye, vars cappuccino’s en ruimte vir lekker kuier.

Neem asseblief kennis dat die kafeteria geen kontant aanvaar nie. Betalings kan slegs met debiet- of kredietkaarte, of deur middel van die SnapScan-toepassing, gemaak word.

Christine Ferreira: ’n nuwe ouderling

Christine Ferreira is ’n plaasmeisie. Sy het in die Fraserburgdistrik op ’n merinoskaapplaas grootgeword. Haar pa het met wol geboer en haar ma was ’n musiekonderwyseres. Christine is die derde van vier dogters en het aan die Hoër Meisieskool Paarl gematrikuleer. Lees meer . . .

Ontmoet vir Michael Rossouw – ons nuwe klankman

Op die foto van links na regs is: Alish, Alarice, Gabriel, Michael Junior en

Michael Rossouw is in Pretoria gebore en getoë, maar woon reeds die afgelope tien jaar in die Kaap. Hy het in Laerskool Danie Malan en Hoërskool Pretoria-Noord skoolgegaan.

Michael en sy vrou, Alish, is die trotse ouers van drie kinders. Alish onderrig die drie Rossouwtjies, wie se ouderdomme wissel van drie tot elf jaar, tuis. Michael junior is die oudste en Alarice, hul dogtertjie, is die jongste. Lees meer . . .

Veranderinge in WhatsApp-groepe

Neem asseblief kennis dat ons die verskillende WhatsApp-groepe in die gemeente onder een sambreel wil saamvoeg om kommunikasie meer vaartbelyn te maak. Lidmate wat lid is van die dagstukke- of gebedsgroepe sal geen wesenlike veranderinge beleef nie, behalwe dat u voortaan een keer per week die weeklikse elektroniese nuusbrief, asook skakels na eredienste, sal ontvang.

Die WhatsApp community-groep bied ook aan lede verbeterde sekuriteit en beskerm lede se telefoonnommers en persoonlike besonderhede. Rig gerus enige navrae aan sanel@stellenberg.co.za of stuur ’n WhatsApp na 081 045 2428.

Drie bewegings | Drie karakters | Drie aande
’n Reis wat jou geloof nuut sal aanraak, verdiep en vernuwe.

Jy word hartlik uitgenooi om van 2 tot 4 Februarie om 18:30 in die KERK deel te wees van ons Week van Inspirasie.

Aanbieder: Dr. Ronell Bezuidenhout. Sy was 'n leraar in verskeie NG kerke en het haar oor die jare heen in meditasie verdiep en bestudeer ook graag die vroeë kerkgeskiedenis. Sy behartig tans 'n groot digitale bediening, terwyl sy ook 'n deeltydse leraarspos beklee.

Skakel gerus by die sessies in:

Lees meer . . .

Die eerste tree die onbekende in | graad 8-kamp

Deur: Ds. Marius Schoombie

Dit is vandag ’n gevestigde tradisie by Stellenberg om die jaar met groot energie af te skop met die graad 8-kamp. Die kamp is stewig gevestig en die span wat dit aanbied, is goed ingeoefen — sommige spanlede kamp al vir meer as tien jaar saam!

Lees meer . . .

Tiendemaandinsameling

Ons is opreg dankbaar teenoor elke lidmaat wat reeds tot hierdie spesiale fondsinsameling van die gemeente bygedra het. Sonder hierdie bydraes sou dit werklik onmoontlik wees om die begroting te laat klop. Ons kort steeds R488 200 om ons mikpunt te bereik. Daar is tot einde Februarie geleentheid om nog tot die tiendemaandinsameling by te dra. Bydraes kan kontant, elektronies of deur middel van SnapScan gemaak word.

Mag ons mekaar bemoedig met die belofte uit God se Woord:
“God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ’n ryk oes laat oplewer.”

Ouertoerusting | 6 Februarie 17:30

Ouertoerusting – Vrydagaand 6 Februarie 17:30 tot 19:30 in die grootsaal. Toegang is gratis.

Ouers word hartlik uitgenooi na ’n ouertoerustingsgeleentheid waar dr. Francois Swart met ons kom gesels oor hoe jy as ouer ’n veilige ruimte vir jou kind kan skep – veral vir gesprekke wat jou dalk self ongemaklik laat voel.

Indien jy ’n spesifieke vraag het wat jy graag aan dr. Swart wil rig, stuur vir hom ’n e-pos by info@drfswart.co.za of stel jou vrae die aand tydens ie interaktiewe sessie.

Die boek Grootmaak van dogters deur Wentzel Coetzer, word ook teen R350 verkoop. Kaartfasiliteite sal beskikbaar wees.

Ouers word ook uitgenooi om na die toerustingsessie by die gemeentebraai in die markplein aan te sluit.

Ouertoerusting: aanlyn besprekings

Stellenberg basaar is 'n tweedag-makietie

Stellenberg se basaar is vanjaar ’n tweedag-makietie en vind plaas op:

- Vrydag 6 Maart | 13:00 – 20:00

- Saterdag 7 Maart | 08:00 – 14:00

Kom kuier saam en geniet ’n heerlike gemeenskapsgeleentheid met iets vir almal:

- ’n Kinderspeelpark

- Mini-ekspo

- ’n Groot snuffelmark (thrift market)

- ’n Verskeidenheid koswaentjies met heerlike etes te koop

Helpers benodig:

Ons benodig helpers wat met die maak en verkoop van poedings behulpsaam kan wees asook vrywilligers wat die speletjies se kaartjieverkope kan beman. WhatsApp Karen by 082 827 9389 indien jy kan help.

Snuffelmark:

Kom verkoop die klere wat jy nie meer dra nie, of huisraad, sporttoerusting en speelgoed wat in onbruik verval het. Doen nou aansoek vir ’n stalletjie by die snuffelmark (thrift market).

Aanlyn aansoek vir thrift market

VatVyf-afskop

Die VatVyf-groep is ’n sosiale groep vir senior lidmate. Ons nooi graag alle lidmate wat reeds deel is van die groep – sowel as dié wat dit oorweeg om vanjaar aan te sluit – hartlik uit na ons eerste byeenkoms vir 2026.

Sluit op Woensdag 4 Februarie 2026 om 10:00 by ons aan in die markplein vir ’n heerlike vrugtefees.

Koste: R20 per persoon

Bespreking:
Bespreek asseblief jou plek voor 2 Februarie by Christine (kerkkantoor)
📞 021 976 4519
📱 WhatsApp: 081 045 2428

Graad 6-tot-7-dagkamp

Op 6 Februarie het die graad 6-7-groep ’n dagkamp in die salekompleks.

Kamptema: GLOW! Laat jou LIG helder skyn in 2026.

Tyd: 17:00 – 21:30

Koste: R120 per kind. Aandete van Roman’s Pizza is hierby ingesluit.

Aanlyn inskrywings: klik op die skakel hier onder.

Sluitingsdatum: Donderdag 5 Februarie 2026 om 12:00.

Graad 6-tot-7-dagkamp

Bybelskool oor Openbaring

17 Februarie tot 26 Maart om 19:00 in die kerk

In hierdie reeks "ontbloot" ons saam die sogenaamde “geheime” van ’n besondere Bybelboek. Die brief self was egter geen geheim nie – alles wat daarin geskryf is, was reeds sigbaar in die wêreld waarin die eerste "lesers" geleef het. Dit is die brief van ’n profeet wat gelowiges wou help om as burgers van God se koninkryk te leef, terwyl hulle steeds oorwinnend in Babilon woon.

Aanbieder: Ds. Schalk van Wyk

Koste: R30-donasie – betaal wanneer jy die kursus bywoon.

Bespreking: ontvangs@stellenberg.co.za | 021 976 4519 | WhatsApp na 081 045 2428.

Doop vandag

Dirk en Natalee Swart laat doop vir Amoré Laetitia Swart tydens die oggenddiens.

Met leedwese

Ons neem afskeid van Martin Brits (24/09/1977-28/01/2026). Ons opgregte meegevoel met sy vrou, Chantelle en seuntjie, Malan, wat hy agterlaat. Martin was sedert 2023 ’n lidmaat van die gemeente. Gedenkdiensreëlings is nog onbekend.

Vroue-retraite

Die vroue-retraite word in 2026 vanaf 13 tot 15 Maart by die Andrew Murray Spiritualiteitsentrum aangebied. Koste: R1 500 per persoon vir verblyf en etes. Bespreek jou plek by ontvangs@stellenberg.co.za.

Sluitingsdatum: 27 Februarie 2026.

Maak huis skoon

Gee gerus alle huisraad, oefenapparaat, sporttoerusting, gereedskap, boeke en speelgoed wat jy nie meer gebruik nie by die kerkkantoor af. Bydraes sal by die basaar se witolifanttafel verkoop word.

Breigroep

Die breigroep ontmoet Maandag 2 Februarie 09:30 in die markplein.

Vakature by Stellenberg-gemeente

Stellenberg-gemeente het vanaf 1 April 2026 ’n vakature vir ’n ontvangspersoon met goeie kommunikasie- en organisatoriese vaardighede.
Lees meer . . .

Finansiële bydraes

By Stellenberg-gemeente glo ons dat ons uit dankbaarheid tot die werksaamhede van die Here bydra. Jy is welkom om enige van die volgende betalingsmetodes te gebruik:

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode (hier bo) indien jy die SnapScan-toep gebruik om ’n bydrae te maak of klik HIER om ’n betaling deur SnapScan te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

In die omgewing . . .

Registrasie vir GriefShare

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Stellenbeertjies Dagsorg: Vir babas 0 tot 2 jaar. Kontak Minette 069 179 5279 vir meer besonderhede.

- Skoonmaak van matte: Kontak Leon by 0824482438 vir ’n gratis kwotasie.

- Betroubare huishulp soek werk: ’n Baie betroubare huishulp is op soek na werk van Maandag tot Vrydag. Sy het voorheen vir 20 jaar by dieselfde gesin gewerk. Kontak asseblief haar verwysing: H. Smith 072 605 9822 of A. Gaum by 082 211 5572.

- ’n Administratiewe assistent word benodig: ’n Tweetalige persoon met goeie kommunikasie en organisatoriese vaardighede word by ’n finansiële adviespraktyk in die noordelike voorstede benodig. Laai die volledige posbeskrywing HIER af.

Oorweeg u om u huis te verkoop? Milieu-eiendomme is al die afgelope 38 jaar werksaam in die gemeente se onmiddellike omgewing. Ons benodig voorraad vir kopers wat graag in ons area wil koop. Die agentskap doen ’n in-diepte vergelykende markanalise van die markprys van u eiendom en verseker u te alle tye van die beste diens met baie ondervinding. Skakel JP vd Poel 082 878 5582 vir ’n gratis kwotasie, markanalise van u eiendom – dit is aan geen verpligting onderhewig nie. U tevredenheid is ons prioriteit.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.