navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Sondag 26 Januarie 2025

Genesis 12:1-4 | Op berge en in dale

Oggenddiens om 09:00 in die kerk en aanlyn | Ds. Breytenbach (4)

Familiediens om 09:00 in die kleinsaal en aanlyn | Ds. Potgieter

Meditatiewe diens om 09:00 in die kapel en aanlyn | Ds. Dietmann

Blokdiens vir graad 1’s en ouers om 09:00 in die grootsaal | Ds. Visser

Kleuterkerk om 09:00 in die grootsaal (kleuterkerklokaal)

Aanddiens om 18:00 in die kerk en aanlyn | Ds. Potgieter

Sondae by Stellenberg

Dit is lekker om weer volstoom aan die gang te wees. Ons nooi jou hartlik uit om ons oggenddienste in die kerk, kleinsaal en kapel – almal om 09:00 – asook die aanddiens om 18:00 in die kerk, op Sondae by te woon. Na afloop van die eredienste is daar geleentheid om lekker gesellig saam te kuier. Geniet ’n gratis koppie tee of koffie in ons teetuin op die grasperk voor die kerk, of kuier in die kafeteria waar eet- en drinkgoed verkoop word. In die kafeteria is heerlike koek (R25) melktert (R20), vetkoekies (R25) en kolwyntjies (R15) asook cappuccino's(R35), tee (R10), koffie (R15) en koeldranke te koop.

AANBIEDER: Dr. Carel van Wyk

KOSTE: Gratis. ’n Donasie vir fotostate sal verwelkom word.

FORMAAT:
- Alle ouderdomme is welkom. Die formaat is nie geskik vir laerskoolkinders nie, maar nooi gerus ook vriende.
- Die byeenkomste is geskik vir Bybelstudie- of omgeegroepe om dit as groep by te woon.
- Woon gerus byeenkomste by soos dit jou program pas.

WAT OM TE VERWAG?
- Bestudering van ses maniere waarop God vandag met mense praat.
- Stiltes met meditatiewe musiek.
- Die verduideliking, gebruik en inoefening van LECTIO DIVINA.
- Ons ondersoek die verskille tussen Oosterse en Westerse mistiek.

Alle lidmate word uitgenooi na die Week van Inspirasie wat vanaf 3 tot 5 Februarie om 18:30 in die kapel aangebied word.

Kom wandel saam met ons deur die Bybelboek, Rut.

Tema: TUISKOMS

Tuiskoms by God, by jouself en by andere.

Aanbieder: Ds. Tilana Meyer-Morkel

Administratiewe hulp

Kan jy ’n uur of twee per week, of soos dit jou program pas, behulpsaam wees met administratiewe werk by die kerkkantoor? Ons het veral hulp nodig met die maak van telefoonoproepe.

Kontak asseblief vir Charlotte by 021 976 4 519 of ontvangs@stellenberg.co.za of ds. Marius Breytenbach by marius@stellenberg.co.za/ 082 376 6053.

Stap jy saam?

Ons stap die keer vanaf Bloubergstrand tot by Big Bay en terug. Dit is ’n heerlike 10 km-roete al langs die see. Ons kry mekaar op Saterdag 22 Februarie om 07:00 by die kerk en ry dan saam tot in Blouberg. Na die stap koop ons ’n koffie en geniet die seelug. Bespreek jou plek by Charlotte, ontvangs@stellenberg.co.za voor 19 Februarie 2025.

Uitreik na Namibië

Ons beplan om vanaf 28 Junie tot 8 Julie 2025 uit te reik na ons medewerkers in die Mangetti-Duin. Hier word wonderlike werk onder die Khoi-San-mense gedoen. Ons benodig egter nog ’n bakkie. Indien jy ons met ’n voertuig kan bystaan, kontak asb. vir ds. René Potgieter by 079 893 8104.

Annibrand Junior en Senior

Ons wil ouers aanmoedig om hul kinders asseblief vir kategese te registreer, al was hul voorheen by kategese ingeskakel. Ons benodig die verskillende graadgroepe se getalle sodat ons lesmateriaal kan voorberei en ook verseker dat elke graadgroep genoeg kleingroepleiers het. Gebruik asseblief die SKAKEL om jou kinders aanlyn te registreer.

Ouers word ook aangemoedig om by die onderskeie graadgroepe se WhatsApp-groepe aan te sluit. Die QR-kodes is hier onder. Sodoende sal jy op hoogte gehou word van alle komende gebeure in die kategesebediening.

Annibrand Junior se QR-kode is links en Annibrand Senior is regs.

Graad 6-tot-7-kamp: 6 tot 7 Februarie

Ons nooi alle graad 6’e en 7’s uit na ons jaarlikse kamp vanaf 6 tot 7 Februarie op die kerkterrein.

Kamptema: JOY! Ervaar vreugde in volkleur.

Klik HIER om aanlyn in te skryf.

Navrae: Brenda Visser, 021 976 4519

’n Ag-weke-dissipelskapreis vir studente en jong volwassenes:

Studente en jong volwassenes word na 'n dissipelskapreis uitgenooi. Dit behels aande van gemeenskap bou, diep vrae en goeie gesprekke.

As jy wonder wat dit beteken om in hierdie fase van jou lewe vir Jesus te volg, of as jy na ’n ruimte soek om saam met ander in jou geloof te groei, nooi ons jou na hierdie gemeenskap wat mekaar help om gesonde ritmes te midde van ons besige en deurmekaar lewens te vestig.

Elke Woensdag 18:00 tot 20:00

Aanbieder: Ds. Marius Schoombie fasiliteer gesprekke aan die hand van die lesmateriaal.

Practicing the way – wees by Jesus, word meer soos Hy, doen wat Hy gedoen het.

VatVyf-byeenkomste

29 Januarie 10:00 in die markplein | Vrugtefees
Bespreek voor 27 Januarie by Charlotte (021 976 4519 / WhatsApp 081 045 2428). Toegang is gratis.

26 Februarie 10:00 in die kafeteria | Praatjie
Mike van Deventer kom gesels oor die seën van oud word. Bespreek by Charlotte ((021 976 4519 / WhatsApp 081 045 2428). Toegang is gratis.

Teeroppervlaktes op die terrein

Die teeroppervlaktes op die terrein is in ’n baie swak toestand en word nou herstel. Ons vertrou die proses sal nie langer as twee weke duur nie en vra om verskoning vir enige ongerief wat dit moontlik mag veroorsaak.

Kosprojek

Die kosstoor se rakke is leeg na die feesgety. Die gemeente se kosprojek ondersteun individue en gesinne wat voedselnood beleef. Bydraes van niebederfbare kos, of kontantbydraes vir die kosprojek sal baie waardeer word. Gee bydraes asseblief voor 28 Januarie by die kerkkantoor af, of plaas dit in die voorportaal van die kerk.

Raak deel van die netwerk

Stellenberg Terapiesentrum nooi psigiaters, sielkundiges, arbeids-, spraak- en fisioterapeute om deel te raak van die sentrum se diensleweringsnetwerk om terapiedienste in die gemeenskap meer toeganglik te maak. Kontak vir Rudolph van Schoor te kontak by 066 5466 375/therapy@stellenberg.co.za.

Breigroep

Die groep ontmoet weer op Maandag 3 Februarie 2025 om 09:30 in die markplein. Die breigroep is afhanklik van wolskenkings om voort te gaan met hulle breiprojekte. Enige bydraes van bruikbare wol sal baie waardeer word en kan by die kerkkantoor afgegee word.

Basaar | Witolifanttafel

Indien jy vroeg in die nuwe jaar kaste regpak en besluit om van die witolifante in die huis ontslae te raak, oorweeg asseblief om dit vir die basaar se witolifanttafel te skenk. Enige huisraad, gereedskap, speelgoed, sporttoerusting, ens. is welkom. Gee asseblief bydraes by die kerkkantoor af.

Vroue-retraite

Skryf die datum vir 2025 se vroue-retraite nou reeds in jou dagboek.

Ons gaan van 14 tot 16 Februarie 2025 ’n naweek by die Andrew Murray Spiritualiteitsentrum deurbring. Die koste sal R1 200 per persoon beloop. Bespreek jou plek by Charlotte, ontvangs@stellenberg.co.za.

Dankie vir jou finansiële bydrae

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode indien jy die SnapScan-toep gebruik om ’n bydrae te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

In die omgewing . . .

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Matskoonmaakdiens: Kontak Leon Ritter by 082 448 2438 vir ’n gratis kwotasie.

- Vakansieverhuring vir ses persone: Eastford Country Estate, Knysna. Die huis het drie slaapkamers, drie badkamers, goed toegeruste kombuis met skottelgoedwasser en wasmasjien, sit- en eetkamer, stoep met braai, Wi-Fi, DSTV asook ’n inverter. Asemrowende uitsig oor Knysna lagoon & The Heads. Alle linne en handdoeke word verskaf. Vyf minute se ry van Simola-golfbaan. Huis word gediens.
Beskikbare datums : 24 - 29 Jan. ; 4 - 7 Feb. 2025 teen R 2500 per dag;
13 Junie – 4 Julie 2025 teen R 1800/dag; asook 14 Nov.- 28 Nov. 2025 teen R1 800 per dag. Kontak: Mev. Nieuwoudt (082 887 7347).

- Te koop: Ryobi-tafelsaag, gemonteer op houtboks met wiele teen R3000, AEG- saag teen R500 in ’n goeie werkende toestand en ’n rol koperdraad vir sweiswerk teen R200. Kontak: Ivan Marais 071 684 0028 of 082 336 7833.

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.