navrae@stellenberg.co.za | 021 976 4519 (Kantoorure: 08:00 tot 14:00)
WhatsApp-boodskappe:  081 045 2428 

Sondag 19 Januarie 2025
Genesis 3:1-14 | Oor grense heen
Oggenddiens om 09:00 in die kerk en aanlyn  | Ds. Potgieter (3)

Familiediens om 09:00 in die kleinsaal en aanlyn | Ds. Visser

Meditatiewe diens om 09:00 in die kapel en aanlyn | Ds. Dietmann
Kleuterkerk om 09:00 in die grootsaal (kleuterkerklokaal)

Aanddiens om 18:00 in die kerk en aanlyn | Ds. Schoombie

Welkom in 2025!
Deur: Ds. Johan Visser
Welkom in ’n splinternuwe jaar vol geleenthede om te groei! ’n Jaar waarin ons as gemeente ons jaartema: Oor grense heen, sal vier en uitleef. Ons tema is 'n kragtige herinnering aan ons strewe om nader aan God en nader aan mekaar te leef, ’n verskil in die wêreld te maak, en om voortdurend te vernuwe. Lees meer . . .

Graad 8-kampeerders beleef God se teenwoordigheid

Deur: Madelaine Strümpher

Die afgelope naweek se graad 8-kamp was soos altyd ’n besonderse ervaring! Ek verwonder my jaarliks aan die kleine graad 8's wat met hulle groot tasse, teen die bult van Apostel moet uitbeur!  Elkeen opgewonde om nuwe vriende te maak, nuwe ervarings en pret te hê, en hierdie jaar was geen uitsondering nie. Lees meer . . .

Eredienste in Stellenberg

- Oggenddiens elke Sondag om 09:00 in die kerk. Die diens het ’n informele aanslag met die Coram Deo-musiekgroep wat die sang en aanbidding lei.

 - Familiediens om 09:00 in die kleinsaal, tydens skoolkwartale. Die diens is gerig op gesinne met laerskoolkinders en kleuters.  Daar is ook ’n moederskamer by die kleinsaal beskikbaar.

-  Meditatiewe diens om 09:00 in die kapel, tydens skoolkwartale. Die diens bied geleentheid vir gebed en meditasie.

- Klouterkerk word een keer per kwartaal om 09:00 in die saalkompleks vir gesinne met kinders onder drie jaar aangebied. Hierdie kwartaal se byeenkoms is op 9 Februarie.

 - Kleuterkerk om 09:00 in die kleuterkerklokaal, tydens skoolkwartale.  ’n Bybelles wat met ’n kreatiewe aktiwiteit gepaardgaan, word vir kleuters en peuters aangebied.
 - Aanddiens om 18:00 in die kerk, tydens skoolkwartale vir tieners, jongmense en almal jonk van gees.

Tiendemaandinsameling – Baie dankie
Ons is baie dankbaar vir die bydraes wat tot die gemeente se tiendemaandinsameling gemaak is, en is vol vertroue dat ons die insameling se mikpunt van R1 660 000 voor die einde van die boekjaar sal bereik.  Die tekort beloop tans slegs R54 000. Bydraes kan tot einde Februarie tot die insameling gemaak word deur middel van SnapScan, of elektroniese oorbetalings na: Absa-tjekrekening145 058 0011, takkode 632005. Gebruik “tiendemaand” as verwysing. 
God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid 'n ryk oes laat oplewer.    
2 Kor. 9:10

Graad 6-tot-7-kamp: 6 tot 7 Februarie
Ons nooi alle graad 6’e en 7’s uit na ons jaarlikse kamp vanaf 6 tot 7 Februarie op die kerkterrein.

Kamptema: JOY! Ervaar vreugde in volkleur.

Klik HIER om aanlyn in te skryf.

Navrae: Brenda Visser, 021 976 4519

Kategese: junior en senior
- Kategeseregistrasie: Klik HIER om jou kinders aanlyn vir kategese in 2025 te registreer. Registreer asseblief kinders wat vanjaar by kategese gaan inskakel, al was hul voorheen by kategese ingeskakel.  Ons wil graag weet vir hoeveel kinders ons moet beplan. Die registrasiegeld beloop R200 per kind en word vir lesmateriaal gebruik.  Die bedrag kan ook elektronies oorbetaal word.
- Sondag 19 Januarie – Annibrand Junior skop die kategese jaar af met groot pret na die oggenddiens.  Trek ’n swembroek aan en bring jou handdoek en sonroom saam, want ons gaan glip-en-gly en lekker roomys eet.  Daar sal ook geleentheid wees om kinders na die oggenddiens in die kafeteria vir kategese te registreer. Die registrasiefooi beloop R200 per kind en word vir lesmateriaal gebruik.

- Sondag 19 Januarie – Annibrand Senior.  Tieners van graad 8 tot 11 word uitgenooi om die aanddiens om 18:00 by te woon en na die aanddiens sal die groep in graadgroepe verdeel. Tieners kan ook na die aanddiens vir kategese registreer.  Die registrasiefooi beloop R200 per kind en word vir lesmateriaal gebruik.
’n Ag-weke-dissipelskap reis vir studente en jong volwassenes:

Studente en jong volwassenes, word na 'n dissipelskap reis uitgenooi.  Dit behels aande van gemeenskap bou, diep vrae en goeie gesprekke.

As jy wonder wat dit beteken om in hierdie fase van jou lewe vir Jesus te volg, of as jy na ’n ruimte soek om saam met ander in jou geloof te groei, nooi ons jou na hierdie gemeenskap wat mekaar help om gesonde ritmes te midde van ons besige en deurmekaar lewens te vestig.

 Woensdae 18:00 tot 20:00

Aanbieder: Ds Marius Schoombie fasiliteer gesprekke rondom die materiaal.

Practicing the way - wees by Jesus, word meer soos Hy, doen wat Hy gedoen het.

Teeroppervlaktes op die terrein

Die teeroppervlaktes op die terrein is in ’n baie swak toestand en word nou herstel.  Ons vertrou die proses sal nie langer as twee weke duur nie en vra om verskoning vir enige ongerief wat dit moontlik mag veroorsaak.

Kosprojek

Die kosstoor se rakke is leeg na die feesgety.  Die gemeente se kosprojek ondersteun individue en gesinne wat voedselnood beleef.  Bydraes van niebederfbare kos, of kontantbydraes vir die kosprojek sal baie waardeer word.  Gee bydraes asseblief voor 28 Januarie by die kerkkantoor af, of plaas dit in die voorportaal van die kerk.

Raak deel van die netwerk

Stellenberg Terapiesentrum nooi psigiaters, sielkundiges, arbeids-, spraak- en fisioterapeute om deel te raak van die sentrum se diensleweringsnetwerk om terapeutiedienste in die gemeenskap meer toeganglik te maak.  Kontak vir Rudolph van Schoor te kontak by 066 5466 375/therapy@stellenberg.co.za.

Breigroep

Die groep ontmoet weer op Maandag 3 Februarie 2025 om 09:30 in die markplein. Die breigroep is afhanklik van wolskenkings om voort te gaan met hulle breiprojekte.  Enige bydraes van bruikbare wol sal baie waardeer word en kan by die kerkkantoor afgegee word.

Basaar | Witolifanttafel


Indien jy vroeg in die nuwe jaar kaste regpak en besluit om van die witolifante in die huis ontslae te raak, oorweeg asseblief om dit vir die basaar se witolifanttafel te skenk.  Enige huisraad, gereedskap, speelgoed, sporttoerusting, ens. is welkom.  Gee asseblief bydraes by die kerkkantoor af.

Om te doop

Babas word op die eerste Sondag van die maand by die oggend- of familiediens gedoop.  Ons nooi voornemende doopouers om die nodige aansoekvorms  HIER af te laai en aan anneke@stellenberg.co.za te stuur.  Die aansoekvorms kan elektronies voltooi word.  Ons sien uit daarna om hierdie belangrike roetemerker op julle kind se geloofsreis met julle te deel.

Vroue-retraite

Skryf die datum vir 2025 se vroue-retraite nou reeds in jou dagboek.

Ons gaan van 14 tot 16 Februarie 2025 ’n naweek by die Andrew Murray Spiritualiteitsentrum deurbring.  Die koste sal R1 200 per persoon beloop.  Bespreek jou plek by Charlotte, ontvangs@stellenberg.co.za.

Dankie vir jou finansiële bydrae

- Bydraes kan elektronies oorbetaal word  na  ABSA-tjekrekening 145 058 0011,  takkode 632005.
- Gebruik gerus die SnapScan QR-kode indien jy die SnapScan-toep gebruik om ’n bydrae te maak. 
- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur. 

Elektroniese kommunikasie

  • Op jou rekenaar:
    Jy kan gemeentenuus weekliks deur middel van die Stellenberg-weekliks per e-pos ontvang.  Stuur jou e-posadres aan sanel@stellenberg.co.za.
  • Op jou selfoon:
    Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.
 Gemeente se WhatsApp-groepe - Klik hier om aan te sluit

 Annibrand Junior: Klik hier om aan te sluit

Annibrand Senior: Klik hier om aan te sluit

- Advertensies - 

Jy kan hier adverteer

Plaas gerus ’n advertensie in die Stellenberg-weekliks.  Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar.  Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R320 na die lughawe asook besoeke aan winkels, dokters en hospitale.  Kontak Marius Brink by 079 968 5486 of 079 590 1070.
- Matskoonmaakdiens: Kontak Leon Ritter by 082 448 2438 vir ’n gratis kwotasie.
h.v. Edelweissweg en Mountain Viewrylaan | Eversdal, Wes-Kaap 7550 ZA

WhatsApp
081 045 2428

Kerkkantoor
021 976 4519

www.stellenberg.co.za
Manage your preferences | Opt out using TrueRemove™
Got this as a forward? Sign up to receive our future emails.
View this email online.
h.v. Edelweissweg en Mountain Viewrylaan
Eversdal, Wes-Kaap | 7550 ZA
This email was sent to .
To continue receiving our emails, add us to your address book.
Subscribe to our email list.