Ons sien uit om in 2024 saam met ouers en kinders op hul geloofsreis te stap! Ons deel graag die belangrikste inligting rondom Annibrand Jeug (junior en senior) vir die begin van die jaar. Jy ontvang hierdie e-pos omdat jy in 2023 vir kategese geregistreer of hierdie jaar 'n Graad 1 of 8 kind het. Indien jy nie meer by die gemeente is nie en die e-pos foutiewelik ontvang het, laat weet ons gerus by sunet@stellenberg.co.za

Kategese registrasies vir 2024 is oop*. Aan die begin van elke jaar vra ons almal wat by die kategese betrokke is om aan te meld. Indien jy ’n kleuter/kind/tiener hierdie jaar het en nog nie geregistreer het nie, registreer so gou moontlik!

Sondag 21 Januarie is ook die amptelike registrasie dag waarop ons registrasies hanteer en inligting kontroleer. 'n Inskrywingsfooi van R200 per kind word betaal om kostes vir materiaal, fotostate en ander hulpmiddels wat deur die jaar gebruik word, aan te koop. Die inskrywing en die betaling moet asb. gelyktydig plaasvind.


*Gr 12s hoef nie vir kategese te registreer nie

Alle ouers met babas jonger as 3 jaar word genooi na ‘n spesiale geleentheid 25 Februarie in die teetuin (voor die koffiewinkel) saam met ds. Philipp Dietmann.

Ouers moet ook hul kinders registreer asb.  Kinders kom Sondae tydens die oggenddienste in die Kleuterlokaal (in die Grootsaal) bymekaar waar hulle ‘n geestelike lessie doen, aktiwiteit doen en lekker saam sing en speel!  Ouers kry hul kinders direk na die diens te by die Kleuterlokaal.  Ons kort nog hulp by die kleuters.  Indien jy bereid is om te help, kontak vir Brenda by brenda@stellenberg.co.za.

’n Familiediens gerig op gesinne met voorskoolse en laerskoolkinders word Sondae tydens die eerste drie skoolkwartale om 09:00 in die Kleinsaal aangebied. Tydens die vierde kwartaal het ons een gesamentlike diens in die kerkgebou.

Kategese is Sondae 10:00 (na afloop van oggenddienste):

Gr 1-3 in die Kleinsaal
Gr 4-6 in die Grootsaal
Gr 7 in die Jeuglokaal

Ons benodig nog by al die grade kleingroepleiers.  Indien jy kan help stuur ’n boodskap aan Brenda by brenda@stellenberg.co.za

Ons nooi alle Graad 1s en hul ouers na 'n spesiale diens Sondag 21 Januarie om 9:00 in die Grootsaal. Indien jy kinders in ander grade het, is hulle welkom om te bly. Die diens word gelei deur Ds Marius Schoombie

21 Januarie
Registrasie in Grootsaal na afloop van die oggenddiens.

28 Januarie
Registrasie geleentheid in Grootsaal indien jy nog nie registreer het nie.

Belangrike ouerbyeenkoms vir alle laerskool ouers direk na die diens in die Kleinsaal.  Daar sal waterslides en roomys wees vir die kinders om die jaar met bietjie pret af te  skop - pak gerus swemklere in vir die kinders.

2 – 3 Februarie
Graad 6-7 Kamp

4 Februarie
Kategese kleingroepe begin!

Peuter en kleuter Blokdiens in die Grootsaal. 
Ouers woon die spesiale geleentheid by om 09:00 in die Grootsaal.

12 – 13 April
Graad 4-5 Kamp

Ons benodig nog by al die grade kleingroepleiers.  Indien jy kan help stuur ’n boodskap aan Brenda by brenda@stellenberg.co.za

Die Annibrand Senior bediening en kategese vloei voort vanuit die Aanddiens om 18:00. Die Aanddiens is 'n informele Erediens vir almal wat jonk en jonk van gees is. Almal is welkom! Hoewel die Aanddiens grootliks op tieners fokus, woon studente, jong volwassenes, ouers en enige iemand anders wat behoefte het, die dienste gereeld by.

Die Aanddiens begin 21 Januarie!

Senior kategese vind na afloop van die Aanddiens plaas en maak teen 19:30 klaar. 

Annibrand senior maak gebruik van LigApp Kategese. 'n Gedeelte van die inskrywingsfooi van die seniors gaan vir die subskripsie tot die App. Die kinders ontvang toegang tot die App wanneer betaling ontvang is. Kinders wat alreeds geregistreer is vir die LigApp se subskripsie word hernu. Indien jy nog nie vir 2024 geregistreer het nie, doen dit so gou moontlik deur die skakel heel bo te volg.

Ons benodig nog kleingroepleiers vir senior kategese. Indien jy betrokke wil raak as kleingroepleier, kontak gerus vir schoombie@stellenberg.co.za

Vir die eerste kwartaal kom die Matrieks na afloop van die Aanddiens bymekaar vir spesiale gespreksgeleenthede met die oog op die Openbare belydenis van geloof roetemerker vir jong volwassenes (of belydenisaflegging). 

Matrieks hoef nie vir kategese te regestreër nie, maar moet wel aansoek doen om Belydenis van geloof af te lê. Die aansoekvorms sal binne die volgende paar weke aan die Matrieks gegee word.

Belangrike datums:

Belydeniskamp: 5-7 April 2024

Belydenisaflegging geleenthede: 14 April en 18 Augustus

Nagmaal geleenthede saam met ouers voor belydenisaflegging: 9 April en 12 Augustus

Ons nooi graag alle jong volwassenes (studente/jong werkendes) om deel te raak van 'n selgroep vir jong volwassenes. Indien jy wil deel raak van 'n groep, of die behoefte het om 'n groep te begin, of van iemand weet wat graag wil deel raak van 'n groep, kontak gerus vir ds. Marius Schoombie by schoombie@stellenberg.co.za.

25 Januarie
Senior kategese mentor opleiding (aanlyn)

16-17 Februarie
Gr 10 Kerkkamp - 'n kamp vir Gr10s by die kerk

18 Februarie
Gr 10 ouergesprek - 'n gesprek met Gr 10s en hul ouers na afloop van die Aanddiens

15-17 Maart
Jeugkamp vir Gr 8-12 by Wemmershoek in verbintenis met Klipheuwel jeug

Uitreike:
15 - 20 Junie - Uitreik na Leeu Gamka
22 - 27 Junie - Uitreik na Calitzdorp

Vir enige navrae, kontak gerus ons jeugkantoor by sunet@stellenberg.co.za