Qimirujunnaqtutit taana Imavik ammalu Qanuingittiarunnaqnirijanga Tungujuqtuq Kinaujaliarijangat!

Taana uqausiujuq taasumunga Akuqvik pijjutiqaqtuq umavingmit ammalu Qanuingittiarunnaqnirijanga Tungujuqtuq Kiinaujaliarijangat!  Ilauqataugit uvattinnit qimirutilluta taakuninga aksururutiqaqtilluta ammalu pijaksaqtaqaqninganit saangallutigut imavikput ammalu tariungunittut imalirijut ammalu pijaksaqaqataujunnaqputit ilaujumanniruvit.  Makkuktuuvit pilirijumaniqaqruvit tungujuqtuq iqanaijaaksanginnik?  Tukisikannirunnaqtutit imaittunik ilinniarutiksanik ammalu iqanaijaaksanik piliriangujunnaqtunik tavvuuna SOI-kut nutaanik piliriaksanik, Tungujuqtuq Sivuniksaq Aqutiliarisimajangit!
Uqausiusimangmat amisut kikkutuinnait pisuktuviniit taqqiqmit amiisuunginniqsaullutik aqaumajut itijuaalungmit Nunaqjuatta imanganit, kisiani taimaittunniiqtuq. Don Walsh (sanilirilluniuk Jacques Piccard) sivulliqpaangulauqtut kikkutuinnanit sivumukllugu iqqanga Mariana Trench. Don maliktaulluni irninganut, Kelly Drennan Walsh, 60 arragut aniguqtillugit. SOI iksivaaqatiqalauqtut Don ammalu Kelly apiqsurllugit qanuilauqmangaat qimmiruaqllugu 11km itiniqaqtumit ammalu qanuimmat tukisiumajaujariaqaqninganit ammalu pisimajauttiariaqaqnianganit imaqjuaq aksururutigijaukanniriaqaqninganit. Tarrijarunnaqtutit uvani!
Ilaugit Ukiuqtaqtumit 2016 makkuktut aniguisimajunit Shawn Dicker takuksautillugu apiqsuqtaujuq uumunga Tara Mascarenhas (SOI), Yogendra Chaudhry (ECO Kanata), ammalu Sherry Scully (COVE) ilinniaqtillugit makuninga pilirijaksanik makkuktunut, ilisaijiununik ammalu piliriqatigijaujunik taakuninga Qanuingittiarunnaqnirijanga Tungujuqtuq Sivuniksaq Aqutiliuqsimajangit.
Ilauquvattigit qarasaujatigut ingiratilluta tamauna Sirmilik Minguisivik.  Takuniaqtugut ajjigiingittunik tingmianik, kajjaaqnaqtualungnik nunaqutigijanganik, ammalu ummariktunik nunaligijaujunik tamaunaaqtilluta.  Inigijanga tamanna ukiuqtatuup akinnanganit kigligijanganiittuq Qikiqtaalungmit, Sirmilik angiragijaungmat amisuqjuanut tikiqattaqtunik tingmiat ilagijaullutik tiratiraat, qaqulluit, ammalu akpait.
Qaujimaviit arraagugijavut tikippat 2050, auktajuuqtaqaulikanniqniaqtuq tariuq imanganit amisuunginniqsauliqlutik iqaluit?  Pijjutigillugu qanuingittiaqniqmut ammalu makitattiaqniqmut tariutta imanga ammalu nunaqjuaqutigijavut, aksuruutigiliqtavut pitaqarunniiqtittiamariglugit auktajuut.  Tavvani Blog, qaujisaqtiujut, auktajuunik pitaqaluaqtualuuliqninganik tukisiumajummariujut ammalu Kanata C3 aniguisimajut Rhiannon Moore uqausiqalaurivuq atuqsimajaminik ammalu ikajurutiksanik nalunaiqsilluni sanagit auktajuut pitaqarunniirtillugu inuusittinni.

SOI Iqanaijaqtingita niruaqtangit: Qiqquat piuniqpaangujut!

Qaujimaviit qiqquat ammalu asingit imaqmiutaujut piruqsimajut saqittivaliavangninginnik 70-80% aniqsaaqturutiksaujumik aniqsaaqtuqpaktavut?  Luuktaaq Amanda Savoie, tukisinasuktimarik qaujisaqnikkut taikani Kanatamit Igluqjuaraaluk Umajulimaattianik, tukisinaqsitinniaqtanga qanuimmat qiqquat atuutiqaqninginnik nunaqjuattinnut.  Tukisikannirunnaqtutit qungiaqlugu takinilik 2min ajjiliugausimajuq.

Ingiratittivallianiq:

Turaagarijaujuq uqinginnilik 100 tonnes

Uqausiqaqattaratta makuninga auktajuunik pitaqaluaqtualuuliqninganik, kisiani taakua C3 aniguisimajut pinajullattaaliqtut.  Turaagarijavut uqinginnilik 100 tonnes ingirasitittingmat amisummarialungnik nunaqjualimaamit nunalingmiutaujunik avvuqtaullutik 100 tons igitausimajunik nunaqjuattinnit sigjamiitunik ammalu tariup imanganit! Ilinniaqtiit Sikumit apiqsurunnaqsilauqmata Lyne ammalu Jimmy pijjutigillugu piliriarisimajanginnik, umiaqjuakkut qaujisaqniq atulauqtamingnik, ammalu sivuniksamut pilirijaksaujut pijjutigillugu Turaagarijaujuq uqinginnilik 100 tonnes.Tukisikannirunnaqtutit amisunik

Kisu Qakisimangmat!

Quviasuqatigittiarattigut taakua United Nations Nunaqjualimaamit Ulluqaqtillugit Aqnait ammalu niviaqsaat Qaujisaqtuliriniqmut (Vivuari 11), kingulliq saqitinniaqtavut tavvuuna Aqukvik saqijaaqtiluaqniaqtavut kikkutuinait aqnauniraqtut ammalu ikajuqnirisimajangit kikkulimaanut tavvuuna STEM.  Ilauquvattigit tukisikanniqniaravit pimmariugijangit pilirijunnaqnikkut, qaujimajangit ammalu tukisiumajangitigut ikajuqataunirijangit nunaqjuamit iniqattiarunnaqniaratta!

Qaujimavit?

WWF-Canada iqanaijaqatiqaqtuq piliriqatigillunigit nunaliit Kinngait, Sanikiluaq ammalu Arviat saqitiniaqmata nunalingnit-inigijauniaqtumit, niuviqtauqattarunnaqtunik nunamit iqalulirilutik?  Saqittivallianiq suruittailimaniqmut iqaluliriniq ikajuutiqaqmat nunalingnit kiinaujaliurunnaqniqmut ujjiqsuqtauluni suruittailimaniq makuninga imaqmiutait umajunginnik.  Taakua miksaanut tusagak-sakkaniit qaujigiarvigilugit
Twitter Facebook Instagram YouTube
Akuqvik ajungititausimajuq ikajuqtaullutik ukunangat katujjiqatigiingujunik.
powered by emma
Subscribe to our email list.