Ukiuqtaqtuup-tiriqungata avatinganiqmiutnik Unikkaat Nunamingaaqtunik

Unikkaaqtuaqniq iluittuujutiqaqmat nunaqaqqaasimajutnut unikkaaqtuaqtauvagllutik kinguvaanginnut qaujimanirijamingnut, ilisaijjutigillugu pimmariujunik, illiqusituqanginnut ammalu qanuipallianirijanginnit.  Tavvani titiraqtaujunit Aqukvingmut, tungasuktitijugut uqaqataujunnaqtunik nakituinnattiaq ukiuqtaqtuup-tiriqungata avatinganiqmiutnik.  Ilauqvattigit tukisikanniqniaravit Inuit Paqijingit piliriaq, tusaalugillu aniguisimajut unikkaanginnik qimuksiqtillugit, tusaqvigilugulu ilisarijausimajuq-salaksaqsimajuq titiraqti unikkaaliuqtiuluni, qimirulugillu aqusaaqninga-naukkuuqnirijangat nunaqaqaaqsimajut qaujimajangitigut ammalu suruittailimaniqmut, ammalu amisukanniqnik!
Qimirrugit una aqusaaqninga naukkuuqnirijangat nunaqaqaaqsimajut qaujimajatuqangit ammalu suruittailimaniq uvuuna qingutiagut Victoria Buschman, Inupiaq Inuit uumajuliriji ammalu suruittailimaniq piruqpalliajulimaanik Utqiaġvik, Alaska-mit ammalu Martina Fjällberg, tuktugijanginnik nirjutiqaqtiujuq samj ikani Niaarke nirjutilirijiit titiraqvinganit taikani ukiuqtaqtunganit Jamtland-mit, Sweden.  Piliriqatigiingniaqtut uqausiqaqlutiglu qanuq piusingit ammalu pisimajauttiaqlutik nunaqaqaaqsimajut qaujimajatuqangit ammalu qaujimaniq iluittuujutigingmagu suruittailimaniqmut.  Qitiquut, October 2 qaujisaut 12pm EST.
Devon 19-nik ukiuqaqtuulluni Inuuvuq Qausuittumiutaulluni. Ilinniaraanigutiqaqsimalilaursuni SOI-kut Ukiuqtaqtumi umiarjuakkut 2019-mi qaujisariaqsimatillugit, Devon pijjuti-qaqtigijauvuq makkuktunik ikajuqataujunik uummaqtitsigiakkannirnirnmut Inuit piusiguqangannik makkutut inuusinganni. Piqatialungata Ireland pigarnanga-nganirnmiutaup ajjiliurlugu apiqsurniaqpanga October 14, 2020-mi 1-muaqtillugu ullukkut. Takunnarumaqatauniaqtasi!
Ilauquvattigit naalaglugu Michael (Arvaaluk) Kusugak, ilisarijausimajuq-salaksaqsimajuq titiraqti ajjigiingittunik surusiit qimiruaganginnik ilaqaqllugu titiraqatausimajuq-titiraqtiujumut uuminga Promise is a Promise.  SOI makkuktuq aniguisimajuq ammalu titiratiuqsaqpalliajuq titiraqtiuniqmut Sophie Weider uqallaqatiqaqniaqtuq Arvaaluk takuksaujukkut piusirijanganit unikkaaliuqniqmit ammalu kisut pimmariuninginnit Inuit Iliqusirijanginnit.  Tusaaqataugit naalangniaravit ilanginnit Arvaaluup unikkaagajungniqpaanginnik!  October 8-mit, 2020 qaujisauti 4pm EST.
Taana Kiviniku HMS Erebus ammalu HMS Kappianaqtukuulauqnirijangat Kanatalimaamit Qanuilauqnivinirijangata Inigijanga ungasingniqpaanguqataujuq Minnguiqsivingnit Kanatamit pitaqaqninganut Kanatamit.  Tukisijunnaqtutit qanuq Inuit Paqijingit Inuit Qaujimajatuqanginnik atulauqmata ammalu ajungittiaqninginnut tikitaunasuktillugu tangmaaqviviniq taikani kivinikuup ininganit araagutamaat pigialauqsimatillugu piliriangujuq 2017-mit.  Ilakanniqllugu suruittailimaniqmut ammalu qaujisaqpallianginnaqlugit pimmariujunit inigijaujut.  Inuit Paqijingit qaujimajatuqaqminit tukisiumatittittiaqmata naniimangaat ammalu ajunginnirijangit iliqusirijanginnik nunamiittunnariaksaq qaujimatittiniqmit kinguvaatinnut paqijiulaaqtunik.  Tukisikannirunnaqtutit

SOI Iqanaijaqtingita niruaqtangit: 

Pisimainnaqlugit Inuit Inuujutigijangit Umatillugitlu Asijjiqpaliatillugu Nunaqjuaq

“Inuit inuulauqmata silamiutaullutik.”  Uvani sanginiqaqtuq ammalu takuminattiaqtuq naittuq tarijaasiaq, Derrick Pottle, atuqtaunginnaqtunik Inuuluni angunasuktiujuq, sananguaqti, ammalu qaujimatigijausuungulluni, uqausiqaqpangmijuq Inuit Inuusirijanginnit, qanuqlu nunaqjuaq asijjiqpallianinganit, ammalu pimmariugimagu atuinnaqniaqtanga atuqtaunginnaqtunik iliqusituqanik. Tautugunnaqtutit naittumik tarijaasiamik uvuuna.

Ingiratittivallianiq: Ivalu Barlach Christensen

Ivalu Barlach Christensen Ukiuqtaqtumit 2012 aniguiqatausimajuq taikani Sisimiut, Akukittunit.  Piuginiqpaaringmagu taimanganit qaujisaqtuliriniq ammalu qaujisaqtuliriniq tusaqtulirinikkut.  Umiaqjuakkut Qaujisaqataulauqtillugu  Umiaqjuakkut aqnaq, Ivalu aulaqattaqsimaliqtuq nunaqjualimaamit qiniqlluniuk illinniarunnaqtaminik pinasuarumajaminik.  Quttiksigiaqugamiuk illinniaqsimajani ingirasimaliqtuq sitamailingajunik  nunaqjuarijaujunit ammalu marruuk kigliliuqsimajunik nunagijaujunik. Taakua miksaanut tusagak-sakkaniit qaujigiarvigilugit.

Kisu Qakisimangmat!

Kingulliq saqitinniaqtavut Una Aqukvik saqijaaqtitiniaqmat Saqijaaqtitinikkut & Iliqusilirinikkut.  Tukisiniaqtutit aniguisimajuq aktuiniqattiaqtumit takuksaujukkut saqijaaqtitiniq ammalu nutaanguriaqsumajumit iliqusirijauliqtumit qanutuinnaq ajjigiingittunik! Tusaagit amiaqtunik, titiraqpalliajunik, tusaqnagaksanik ammalu amisukanniqnit.

Qaujimavit?

Inuit ilisaqsiumangmata tisamat ungataanit silaup qanuippallianirivaktanganit arraaguup iluanit ammalu imaviup sikunga ilisaqnaqniqaqataujuq atuqniqattiaqtunmik qanuilivalliavangnirijanganit araaguup iluanit?

Piliriarijaujualauqtuq qaujisaqtautiaqlluni saqitilauqtuq titiragatigut ammalu titiraqtauluni,
The Meaning of Ice nalunaiqsingmat qaujimajauttiaqtunik Inungnut, Iñupiat, ammalu Inughuit qaujimajangitigut imavingmit siku ammalu quaqsaaqnaqnirijanga ammalu ajjiigiingittunik ilisaqnaqniqaqmat qaujimalluniuk avatiqmiutarillunijjuk ammalu taakuangullutik tukisiumanaqnirijanga. 
Twitter Facebook Instagram YouTube
Aquvvik piliriaq pijunnaqtitausimavut ikajuqtausimanirnminnit ukunangat katujjiqatigiigijaujunit.
powered by emma
Subscribe to our email list.