House of Rooibos spog met ’n teekamer, teetuin, winkel én inligtingsentrum. Om besoekers ’n meer omvattende en gesofistikeerde Rooibos-ervaring te bied, het die gewilde fabriekswinkel by Rooibos Beperk na ’n groter en beter perseel in die hartjie van Clanwilliam getrek. Kom geniet ’n verfrissende koppie Rooibos en geniet gerus ons uitstallings, en ’n 10-minute video oor hierdie geskiedenis, produksieproses en gesondheidsvoordele van dié eiesoortige drankie. Die aanbieding is in agt internasionale tale beskikbaar. Vind meer uit oor die teetuin, kosmetiese en kosreeks, asook die tee soorte en spyskaart, hier onder.