navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Sondag 24 Maart 2024

Eredienste ook aanlyn op www.stellenberg.co.za of op YouTube.

Groot Lydensweek begin

Lukas 19:1-10 | Jesus ruik na vriende en vreemdelinge

Oggenddiens om 09:00 in die kerk en aanlyn | Mia van der Merwe

Paasdienste

Donderdag 28 Maart:

Avondmaal om 19:00 in die kerk
Jesus ruik na parfuum | Ds. Potgieter

Vrydag 29 Maart:

Erediens om 09:00 in die kerk
Jesus ruik na bloed en die dood | Ds. Potgieter

Paassondag 31 Maart:

Opstandingseredienste om 06:15 (Ds. Dietmann) en 09:00 (Ds. Potgieter) in die kerk |
Jesus ruik na nat grond

Terreinpersoneel dra die nuwe gemeente-embleem met trots

Terreinwerkers pryk met die nuwe gemeente-embleem op hulle werkshemde. Ons hoop dat die universele kleredrag terreinwerkers maklik identifiseerbaar maak op die gemeente se groot terrein. Op die foto is van links: Jacques Holtzhausen, Harry Langhtrey asook Sharon en Terence Smith.

Hulp aan senior lidmate

Indien jy bereid is om hulp aan seniors in die gemeente te verleen, woon asseblief die gesamentlike byeenkoms op Donderdag 11 April om 18:30 in die saalkompleks van die kerk by. Ons sal die bediening en die praktiese funksionering daarvan daar bespreek. Kontak asseblief vir ds. Marius Breytenbach (082 376 6053) indien jy betrokke wil raak, maar nie die geleentheid kan bywoon nie.

Jeugkamp | 26 tot 28 April

Die jeugkamp word een keer per jaar saam met die jongmense van Klipheuwel aangebied.

Dit is 'n geleentheid om nuwe vriende te maak, by mekaar te leer, saam te lag en saam in geloof te groei. Alle graad 8's tot 12's word uitgenooi om in te skryf.

Klik HIER vir die aanlyn inskrywingsvorm.

Gebedsversoeke

Doen asseblief voorbidding vir die volgende lidmate wat siek is:

- Salenta Coertze se dogter, Marisa.
- Leonora Minnie
- Geraldine Boshoff
- Hans Linde

Indien jy bewus is van iemand wat siek, of in die hospitaal is, of self ’n gebedsversoek het, gee dit asseblief deur aan ds. René Potgieter by rene@stellenberg.co.za of 079 893 8104.

Jars of hope

Die winter kruip nader en ons wil behoeftige gesinne graag ondersteun om voedsame sop vir koue aande te kook. Neem asb. ’n glasbottel in die voorportaal van die kerk en vul dit met die bestanddele wat op die bottel aangedui word. Gevulde bottels kan op weeksdae tussen 08:00 en 14:00 by die kerkkantoor afgegee word.

VatVyf-program

3 April om 10:00: ’n Gratis praatjie oor die Camino-pelgrimstog in Spanje. Laat weet asb. voor 1 April vir Charlotte by die kerkkantoor-ontvangs indien jy dit graag wil bywoon.

17 April om 10:00: Optrede deur Piet Smit, bekende sanger. Kaartjies teen R100 te koop voor 15 April by Charlotte (kerkkantoor-ontvangs).

Vakature kerkkantoor

Die kerkkantoor het ’n vakature vir ’n algemene nutsman wat kan sweis, houtwerk doen en ervaring in bouwerk het. Stuur asb. ’n aansoekbrief en kort CV na ontvangs@stellenberg.co.za voor Maandag 25 Maart 2024. Rig navrae aan Charlotte by 021 976 4519.

Breigroep

Die breigroep ontmoet op Maandag 8 April om 09:30 in die markplein. Nuwe lede is baie welkom. Bring gerus jou breiwerk saam. Rig navrae aan Ria McMicken by 083 519 0602.

Maria-restaurant

Maria se ure tydens Paasnaweek is:

Vrydag 29 Maart: gesluit
Saterdag 30 Maart: gesluit
Sondag 31 Maart : gesluit
Maandag 1 April: oop soos gewoonlik vanaf 07:00 tot 17:00.

Verhuring van lokale

Die kerk se sale, markplein en kafeteria-area is te huur vir privaat funksies. Kontak gerus vir Charlotte by ontvangs@stellenberg.co.za vir meer inligting rakende beskikbaarheid en tariewe.

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

Advertensies
- Twee studente wat aan die Universiteit van Stellenbosch studeer is op soek na nog twee Stellenbosch-studente wat ’n saamryklub vanaf Stellenberg na Stellenbosch wil vorm. Skakel Jaden 068 587 9377 of Kyla 079 503 1734 na 17:00 indien jy belangstel.

- Gemeubileerde dubbelkamer beskikbaar in Durbanville vir jong enkellopende man. ’n Groot badkamer en kombuis word met drie ander studente gedeel. Huur van R3 300 per maand sluit elektrisiteit, water en wifi in. Kontak Susan by 082 339 0272.

- ’n Blinde pianis benodig weekliks op Donderdae vervoer vanaf Stellenberg na Stellenbosch vir ’n klavierles. Die les is vanaf 10:15 tot 13:00. Vergoeding word aangebied. Kontak vir Renette Bloem by 083 784 0727/renette@adept.co.za

Finansiële bydraes

Baie dankie vir jou finansiële bydrae wat dit vir ons moontlik maak om voort te gaan met die gemeente se werksaamhede.

- Gebruik gerus die SnapScan-toepassing om jou bydrae te maak.

- Elektroniese bydraes na: ABSA-tjekrekening 145 058 0011, takkode 632005.

- Kontantbydraes: Kan by die kerkkantoor inbetaal word, of in die beveiligde posbus op die kerkkantoor se stoep gegooi word.

- Debietorders: Laai gerus die debietordervorm af, voltooi en e-pos na stellenberg@stellenberg.co.za.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

Stellenberg Terapiesentrum

Die sentrum bied terapie, berading en mediasie deur professionele persone aan. Spraak- en arbeidsterapeute, asook ’n besigheids- en lewensafrigter se dienste is beskikbaar. Vir noodgevalle of afsprake skakel Rudolph van Schoor 066 54 6375/ t herapy@stellenberg.co.za.

In die omgewing . . .

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.