navrae@stellenberg.co.za | 021 976 4519 (Kantoorure: 08:00 tot 14:00)

WhatsApp-boodskappe: 081 045 2428

Eredienste Sondag 7 September 2025

Jeremia 18:1-6 | Soos klei in die hande van die pottebakker

Oggenddiens (Doop) om 09:00 in die kerk en aanlyn | Ds. Potgieter (4)

Familiediens om 09:00 in die kerk en aanlyn | Ds. Visser

Meditatiewe diens om 09:00 in die kapel en aanlyn | Ds. Dietmann

Kleuterkerk in die grootsaal om 09:00

Aanddiens 18:00 in die kerk en aanlyn | Ds. Schoombie

DEUROFFER

MES Bellville. MES bedien hawelose mense in die noordelike voorstede.

Doop Sondag

Clyde en Rozanne Fritz laat Arlo Fritz tydens die oggenddiens doop.

September-sensus

Tydens Septembermaand wil ons graag lidmate se inligting in ons databasis opdateer. Daar sal gemeentelyste by al die eredienste beskikbaar wees. Jy kan voor of na ’n erediens seker maak jou naam is op ons gemeentelys, asook al die toepaslike inligting daarop kontroleer en indien nodig sommer die veranderinge op die lys aanbring. Stuur gerus vir Anneke ’n e-pos in die verband by anneke@stellenberg.co.za. Ons is dankbaar vir almal se samewerking in die verband.

Seisoen van skepping | Vrede met die skepping

Elektroniese afval

Gebruik die geleentheid om gedurende die seisoen van skepping van al die elektroniese afval in jou huis ontslae te raak. Bring gerus elektroniese toerusting wat in onbruik verval het, of gebreek het en plaas dit in die aangeduide houers op die kerkterrein. Indien jy onseker is watter items in die dromme geplaas mag word, klik HIER om te sien watter items in die dromme geplaas mag word.

Stellenberg Omgeetrust

Kyk gerus die video om meer te wete te kom van die uitmuntende werk wat die Stellenberg Omgeetrust in minderbevoorregte gemeenskappe doen.

Klik HIER vir meer inligting oor die Stellenberg Omgeetrust se werk en betrokkenheid by projekte.

Die omgeetrust se wynveiling is beslis een van die jaarlikse hoogtepunte op ons gemeentekalender. Gebruik die geleentheid om saam met vriende te kuier, lekker wyn te geniet en boonop die geleentheid te kry om die goeie werk wat die omgeetrust in minderbevoorregte gemeenskappe doen, te ondersteun.

Fairview-landgoed sal die aand meze-styl-disse saam met verskillende wyn bedien. Charles Back van Fairview sal ons aan hulle heerlike wyne bekendstel.

Skenkings van produkte wat tydens die veiling opgeveil kan word, sal baie waardeer word. Kontak asseblief vir Karin by feesmark@stellenberg.co.za in die verband.

Bespreek jou plek, of ’n tafel vir jou en jou vriende by ontvangs@stellenberg.co.za/021 976 4519. Koste: R300 per persoon.

My tye is in u hand

Deur: Ds. Schalk van Wyk

Woorde van die wêreld om ons:

Die "Internasionale Vereniging vir Selfmoordvoorkoming" is in 1960 in die beroemde "stad van die walse", Wene, gestig. Erwin Ringel en Norman Farberow het dit as forum vir navorsers en geestesgesondheidswerkers op die been gebring. Die doel was om selfmoord en verwante gedrag beter te verstaan en te voorkom. Sedertdien het die organisasie gegroei tot ’n wêreldwye netwerk wat in amptelike samewerking met die Wêreldgesondheidsorganisasie (WGO) staan. Lees meer . . .

Klouterkerk |

21 September

Ds. Philipp Dietmann nooi gesinne met voorskoolse kleuters en babas om op Sondag 21 September om 09:00 by die klouterkerkbyeenkoms in die Maria- restaurant se tuin in te skakel. Dit is ’n kort, informele byeenkoms waar ouers en kinders in ’n ontspanne atmosfeer rondom die Woord bymekaar kom. Daar is ook geleentheid om lekker saam te kuier en ’n paar verversings te geniet.

Gemeentekamp | 10 tot 12 Oktober

Klik HIER om jou staanplek aanlyn te bespreek.

Rig enige navrae aan Madeleine by maddyleine@gmail.com.

Sluit gerus vir vier Dinsdae vanaf 9 September om 18:30 by ons nuwe Bybelskoolkursus in die kerk aan. Ds. Schalk van Wyk is die aanbieder. Ons gaan nadink oor ons roeping in die wêreld, asook oor kultuur. Bespreek jou plek by Charlotte, ontvangs@stellenberg.co.za/021 976 4519.

Tema: Die Skepper en sy skeppende skepsels
Week 1: Van Eden tot Babel (Genesis)
Week 2: Van Babel via Ur na ŉ stad van God (Jesaja 60)
Week 3: Die mensgeboude Godstad Jerusalem word soos sy tempel, ŉ rowerspelonk
Week 4: Die Nuwe Jerusalem (Handelinge)

VatVyf-toer
Daar is plek vir nog een persoon op die die VatVyf-toer. Ons toer vanaf 10-14 September deur die pragtige Karoo. Ons gaan Sutherland met sy sterreprag, Matjiesfontein, die Karoo Nasionale Park en die Kangogrotte in Oudtshoorn besoek. Gerieflike verblyf op gasteplase is ingesluit by die koste van R5 500 per persoon. Kontak: Ds. René Potgieter/079 893 8104

Graad 11-kamp | 12 tot 14 September

Die graad 11-kamp bied belangrike voorbereiding die pad na jou belydenisaflegging, waartydens jy jou aan jou geloof sal verbind. In graad 12, net voor die eerste belydenisafleggingsgeleentheid, is daar nog 'n belydeniskamp waarnatoe jy ook genooi word. Hierdie twee kampe verskil egter van mekaar en daarom moedig ons almal aan wat aan die roetemerker van verbintenis (belydenisaflegging) wil deelneem, om beide kampe by te woon. Jy loop baie mis indien jy enige een van die twee geleenthede laat verbygaan!

Meer inligting en inskrywings HIER of kontak Sunet by sunet@stellenberg.co.za.

Inskrywings sluit: Sondag 7 September

Ons nooi besigheidseienaars en plaaslike diensverskaffers om hul besighede tydens die feesmark op ons feesmarkperseel te adverteer. A1-borde met jou besigheid se besonderhede en logo sal op die mark se omheining geplaas word en duidelik sigbaar wees vir alle markbesoekers asook straatverkeer. Stuur ’n e-pos aan feesmarkadmin@stellenberg.co.za met verdere navrae vir besprekings.

Met leedwese

Ons neem afskeid van:

Johann Heinrich Meyer Lamprecht (02/11/1939 - 01/09/2025). Johann was sedert 1973 ’n toegewyde en meelewende lidmaat van die gemeente. Ons opregte meegevoel met sy kinders wat hy agterlaat. Gedenkdiens: Sondag 7 September in Bloubergstrand.

Shirley Anne Pienaar (12/10/1951 - 26/08/2025). Shirley was sedert 1991 ’n meelewende lidmaat van die gemeente. Gedenkdiens: Donderdag 11 September 11:30 in die kapel.

Gebedsversoeke

Gee gebedsversoeke deur aan ds. René Potgieter by rene@stellenberg.co.za of stuur ’n WhatsApp-boodskap na 079 893 8104.

Hoe werk SnapScan?

Indien jy oorweeg om jou maandelikse bydrae, of op Sondae jou bankkollekte, of aankope by die kafeteria met SnapScan te betaal, volg gerus die volgende riglyne. Dit is ’n gerieflike en veilige wyse van betaling. Jy moet eers die SnapScan-toep op jou slimfoon aflaai en dan daarop registreer. Sodra jy geregistreer het en jou bankkaart aan die toep gekoppel het, kan jy by verskeie besighede, of instansies deur middel van SnapScan betaal. Jy maak ’n betaling deur die toep oop te maak en die betrokke QR-kode (soos links bo) met die kameralens in die toep, te skandeer.

Klik hier vir SnapScan

Dankie vir jou finansiële bydrae

- Bydraes kan elektronies oorbetaal word na ABSA-tjekrekening 145 058 0011, takkode 632005.

- Gebruik gerus die SnapScan QR-kode indien jy die SnapScan-toep gebruik om ’n bydrae te maak. Klik HIER om ’n betaling deur SnapScan te maak.

- Vir jou gerief kan jy ’n debietordervorm hier aflaai, voltooi en aan finansies@stellenberg.co.za stuur.

Elektroniese kommunikasie

Op jou rekenaar:
Jy kan gemeentenuus weekliks deur middel van die Stellenberg-weekliks per e-pos ontvang. Stuur jou e-posadres aan sanel@stellenberg.co.za.
Op jou selfoon:
Skandeer enige van die QR-kodes met jou slimfoon se kamera om by die WhatsApp-groep van jou keuse aan te sluit en toegang tot gerieflike elektroniese kommunikasie te ontvang. Jy kan die Stellenberg-weekliks, geestelike dagstukke en algemene nuus op jou selfoon ontvang.

Gemeente se WhatsApp-groepe - Klik hier om aan te sluit

Annibrand Junior: Klik hier om aan te sluit

Annibrand Senior: Klik hier om aan te sluit

Breigroep

Ons brei Maandag 6 Oktober om 09:30 by Edelweiss Dienssentrum.

In ons omgewing . . .

- Advertensies -

Jy kan hier adverteer

Plaas gerus ’n advertensie in die Stellenberg-weekliks. Die nuusblad word tans weekliks elektronies aan 2 500 persone gestuur en is ook op die gemeente se webwerf beskikbaar. Advertensies sal slegs aanlyn beskikbaar wees en word nie in gedrukte formaat uitgegee nie. Lees meer . . .

- Bellair-pendeldiens: Bied vervoer vanaf R300 na die lughawe asook besoeke aan winkels, dokters en hospitale. Kontak Marius Brink by 079 968 5486 of 079 590 1070.

- Matskoonmaakdiens: Kontak Leon Ritter by 082 448 2438 vir ’n gratis kwotasie.

- Gemeubileerde woonstel te huur vir jong professionele, enkelpersoon. R6 800 p.m. wat water, elektrisiteit, DSTV, binnebraai en veilige parkering insluit. Die woonstel is onmiddellik beskikbaar. Kontak 084 442 0608.

- Betroubare huishulp Elless Dzanjalimodzi soek werk vir Dinsdae en Donderdae vanaf 26 Augustus 2025. Verwysing: Hanna Theart 076 149 1684.

- Huishulp beskikbaar. Agnes benodig werk as huishulp. Sy is baie betroubaar en ywerig om te werk. Kontak Elize Roelofse by 082 839 1040 vir verdere besonderhede.

Oorweeg u om u huis te verkoop? Milieu-eiendomme is al die afgelope 38 jaar werksaam in die gemeente se onmiddellike omgewing. Ons benodig voorraad vir kopers wat graag in ons area wil koop. Die agentskap doen ’n in-diepte vergelykende markanalise van die markprys van u eiendom en verseker u te alle tye van die beste diens met baie ondervinding. Skakel JP vd Poel 082 878 5582 vir ’n gratis kwotasie, markanalise van u eiendom – dit is aan geen verpligting onderhewig nie. U tevredenheid is ons prioriteit.

Eversdal Orthodontics
Ons huislike, familie-vriendelike praktyk bied al meer as 30 jaar lank ortodontiese sorg van uitnemendheid. Skakel ons gerus by 021 975 2610 om 'n afspraak te maak by Dr Seugnet Berndt – die eerste stap na jou mooiste glimlag!

📍 51 Amandelweg, Eversdal manager@eversdalortho.co.za

Manage your preferences | Opt out using TrueRemove™
Got this as a forward? Sign up to receive our future emails.
View this email online.

h.v. Edelweissweg en Mountain Viewrylaan
Eversdal, Wes-Kaap | 7550 ZA

This email was sent to .
To continue receiving our emails, add us to your address book.